Page 86 - AHATA

Muchanan A Gosa Di Un Mainta Dushi Di

Contamento Di Cuenta Na Museum Of Industry

 Local
- 04/09/2019

Skol a cuminsa y Museum of Industry a organisa un mainta di storia p’e muchanan di 4
pa 7 aña, p’asina enfoca riba e importancia di lesamento y laga e muchanan cera conoci
cu museo di un edad jong. Tema di e actividad di contamento di cuenta tabata e prome
dia di skol.

Pa haci e contamento di storia un experiencia inolvidabel p’e muchanan, e museo a invita
dos autor local, Sheila Werleman y tambe Richard Dabian.

Sheila Werleman, ta un ilustrador di buki pa mucha y tambe graphic designer. Dor di su
experencia den enseñansa el a scribi y diseña diferente buki dirigi special riba nos
muchanan. El a conta e.o. e storia di e cododo y cangreu blau.

E di dos autor cu museo a invita ta Richard Dabian. Un contador di storia y autor di
diferente storia di mucha. Conoci como cantante y solista.