Page 29 - AM190309
P. 29
Diasabra, 9 Maart 2019 AWEMainta 29
Garage Cordia Aruba ta orguyoso di sostene atletanan
Atletanan Olimpico Special a biaha pa Abu Dhabi
E delegacion di Special Olympics Aruba
a biaha diarazon atardi pa Hulanda, cu
t’e prome stop di e trayecto pa Special
Olympics World Games Abu Dhabi 2019.
E atletanan a biaha bisti cu nan pechi y
bril di Garage Cordia Aruba.
Joylene de Nobrega di Departamento di
Mercadeo y Promocion di Garage Cordia
Aruba tabata presente pa desea cada un
atleta exito durante e Weganan Olimpico
Special na Abu Dhabi y a encurasha nan
tur pa representa Aruba lo mihor posibel.
For di diahuebs 14 di maart te cu dia 21
di maart ta tuma lugar e Weganan Olim-
pico Mundial na Abu Dhabi. E historia
di Special Olympics World Games a cum-
insa na aña 1968 p’e weganan di zomer y
for di 1977 p’e weganan di winter. Cada
dos aña ta tene e competencia mundial
aki, organisa pa Special Olympics bou
auspicio di International Olimpic Com-
mittee.
E aña aki mas di 7500 atleta for di mas
di 190 pais lo participa den e 24 disci-
plinanan di deporte durante e Weganan
Olimpico Special na Abu Dhabi. Mester
menciona cu for di Aruba a sali un total
di 26 atleta special compaña pa un del-
egacion adicional di 7 persona entre otro
e coachnan.
E delegacion completo y nan famia tabata
presenta na Aeropuerto a gradici Garage
Cordia p’e bunita gesto y tabata ansioso
pa cuminsa nan trayecto largo pa Abu
Dhabi, unda e atletanan lo representa
Aruba den 5 categoria di deporte.
Cu un sonrisa grandi riba nan cara y hopi
ansioso pa representa Aruba, e atletanan
a aborda KLM rumbo pa Abu Dhabi en
busca pa bin cu medaya pa nan isla stima.
