Page 21 - ATA

E meldingnan ta hopi y GKMB ta traha a base di meldingnan, pero
lamentablemente hopi di e casnan ta sera y hopi di e casnan nan no ta haya e
adresnnan di biaha. Pero nan tin e sistema cu nan por haya e adresnan via

mapa y tambe via GPS, cual ta mas facil tambe.

Criadero tin hopi, for di e prome siman cu nan a bin traha bek, nan por a
constata basta criadero na basta cas y tambe na diferente tire shopnan. E

luganan aki sa bon kico pa haci y lamentablemente nan no ta haci esaki.

Un gran parti di e pueblo, nan sa precies kico nan mester haci, pero no ta haci
esaki door di negligencia. Pero GKM ta sigui informa, educa y conscientisanan,
via folders y charlanan pa upgrade e sistema pa e pueblo ta mas consciente.

No ta facil ora un persona pega cu un di e virusnan, sea Zika, Dengue of

Chikinguya. Ya cu e persona en cuestion mester keda drumi y chance tin cu
famianan tambe lo haya e malesa.

Den ultimo dianan, awa no ta yobiendo manera aña pasa te cu Februari e aña

aki, pero algun awa ta keda den e scoternan di mata y hasta den e
regenbaknan. Esaki ta negligencia di hendenan.

Basicamente ta keda na cada doño di cas pa combati criaderonan di sangura.

GKMB tin su gruponan specialisa den nan trabao y e teamwork ta tremendo,
segun Sr. Richardson, kende ta duna hopi charla y ta duna tips pa e comunidad.

Tin hopi hende cu si ta interesa y ta haci preguntanan cu por yuda pa combati e
criaderonan di sangura, Sr. Richardson a finalisa bisando.