Page 62 - AHATA

“E segmento aki (Prensa Turistico) apesar di ta un parti chikito den e campo di
periodismo, e conexion den relacion publico y fuentenan nobo di informacion, ta dun’e
un aspecto di accion reduci, cual pa por amplia su mes, lo mester por enfoka no
solamente riba cantidad, pero sigur riba calidad di publicacionnan.”

Den e sentido aki, segun CEO di ATA ta subraya, pa permanece vigente den e mercado, e
medionan mester re-inventa nan mes y keda al caso di e tendencianan n’e velocidad cu e
mercado ta exigi.

“Na mes momento, nos destinacion mester ta den e capacidad pa re-inventa su mes y pa
ofrece tur herment n’e medionan pa nan por opera debidamente.” Tjin Asjoe-Croes a
elabora.

4 GANADOR DI APA 2019
E periodistanan Latino Americano premia durante e anochi honorario aki tabata: Patricia
Alejandra Morales Toro di Revista Mujer La Tercera (Chile) pa su publicacion titula
‘Aruba, Destino Wellness.

Andrea Paola Terán Becerra di Tendencia (cual ta circula na Venezuela, Miami, Orlando,
Dominica, Aruba y Panama) pa su publicacion titula ‘Padu del Caribe, Cinco Decadas de
Una Leyenda Musical.’

John Edison Pineda Albarracin y David de los Rios di Trendiando TV pa nan programa
titula ‘Arte Urbano Colombiano en Aruba.’

Analia Pinto di Radio Conexión Abierta (Argentina) pa su programa riba e tema ‘La Vida
Moderna de Analia Viaje 158 Destino Aruba #Paraiso.’

CALIDAD INVESTIGATIVO Y ORIGINALIDAD
Pa ATA, e independencia y obhetividad di e periodista di turismo na momento di realisa
su reportahe ta fundamental. Su experiencia personal di e destinacion ta esencial pa por
refleha su mes den e trabao y asina destaca atributo y areanan di oportunidad na un
manera cu e lesado of audiencia por conoce e lugarnan aki for di wowonan di esun cu ta
publica, y no for di e mensahenan pre-diseña.