Page 41 - MIN ECEM
P. 41
22 bista politico
Diaranson 5 aPriL 2017
Michella Steenvoorde Laclé (POR)
Con pa stimula muchanan lesa mas buki (Parti 5)
ORANJESTAD – Kico ta aumenta e probabilidad cu un mucha ta experiencia lec-
tura como algo positivo? Esaki ta depende di varios factor.
Stichting Lezen (https://www.lezen.nl/succesfactoren-leesbevordering) ta distingui, a base di
estudio cientifico, ocho factor di exito pa promocion di lectura y di educacion di literatura.
Puntonan 5 di exito ta:
Voorlezen tanto den klas como na cas:
Socialisacion di lectura ta cuminsa na momento cu bo ta conta e storia na e mucha, y ta pro-
move cu ta aparece den e buki. E ta crea un impulso positivo na e experiencia di lectura y ta
stimula conocemento Y ta di fuerte impulso pa fomenta alfabetisacion. (Yuda e mucha papia).
Muchanan entre 0 a 6 aña, cu ta haya nan mayornan ta lesa pa nan, ta conta nan un storia, ta
crece cu e facilidad di lesa, muy contrario na esunnan cu nan mayornan nunca ta lesa pa nan.
E efecto di e storia cu e mayor ta lesa pa e mucha ta asina impactante cu e ta keda sinti te na
momento cu e mucha ta drenta scol secundario.
Ya cu e ta posee mas imaginacion, ta papia cu diferente tono di bos, y ta describi su cuentanan
cu mucho mas contenido. Un mucha ta siña tene un buki den su man, reconoce letranan y e
palabra skirbi ta representa e palabra papia. Contamento di un storia (voorlezen) ta yuda tambe
cu e desaroyo di consciencia fonologico, habilidad verbal. Tambe ta percura pa e crecemento
di vocabulario y comprension di historia.
Ademas di lectura, e impacto di e storia conta ta forma e habilidad literario y e desaroyo social-
emocional di e muchanan. Por ser bisa cu bo ta construi e competencia literario di un mucha
na momento bo divulga e storianan asina bunita lesa.
Si e mayor y/o docente ta fomenta atencion pa storia di e lectura, e manera di trece dilanti cu
picardia, cambiando di tono di bos, e mucha ta haya conocemento di tur loke ta tension, ta
reconoce ficcion y ta namora di literatura.
Ademas e contamento di storia ta contribui na competencia emocional di e mucha y ta permiti
pa interactua riba sentimentonan di otro.
Otmar Oduber a bishita Mercado di Santa Rosa (POR)
Pabien na henter e team y esnan envolvi, e tabata haci falta
Otmar Oduber a bishita e Mercado di Santa Rosa diadomingo ultimo y ta felicita henter e
team y tur esnan envolvi pa reactiva e mercado aki un biaha mas mirando cu e tabata haci hopi
falta.
Durante su bishita Otmar a haya e oportunidad di papia cu varios di esnan presente cu a ex-
presa nan alegria di por conta cu e Mercado di Santa Rosa un biaha mas, nan tabata sinti su
falta pa cumpra nan remedinan di tera, nan cuminda, matanan y diferente otro producto local.
Oduber ta contento di mira con e idea cu a nace tempo cu e tabatin e cartera di Sector Prima-
rio, esta di promove e sector aki den comunidad y pa promociona nos agricultura, cria y pesca
entre nos hendenan ta continua.
Semper el a gradici trahadonan di Santa Rosa cu a demostra e
stimacion grandi pa loke nan ta haci y cu for di cuminsamento
a carga e mercado aki brasa habri, independiente cu ta riba nan
dia liber.
Otmar Oduber ta spera cu lo sigui promove nos sector pri-
mario y sigui duna e sosten na e Mercado di Santa Rosa cu
ta asina gusta no solamente entre nos mesun hendenan, pero
tambe entre nos bishitantenan cu ta sinti e ambiente local du-
rante nan vacacion na nos isla.