Page 5 - MIN ECEM

equipment pisa, mas tres truck pa di e forma ey purba na paga esaki. Algun hende a
kere cu a logra Diamars atardi, pero e cayente bao di e santo cu nan a basha, a sigui
expande y dado momento bolbe saca huma diki.

E molester ta asina fuerte, cu hasta SKOA a dicidi na duna tur tres scol na Paradera dos
dia liber pa evita cu e alumno- y e maestronan ta sigui sufri di e holor.

Habitantenan cu ta biba den e area directo, casi no sa mas kico pa haci. Nan ta yega

cas, y no kier ni baha di nan auto bay paden. E dianan aki nan lo no por laba paña y
laga nan seca na cabuya. Cas ta keda cera, pero tog e holor ta haya e buraconan di
mas chikito den plafond of kozijn pa bay paden.

Nan ta disgusta cu Gobierno no kier haci nada. Algun ta sugeri pa saca tur sushi di
eyden y hiba pa e Dump na Parkietenbos.

ESEY TAMPOCO NO POR: Mesora habitantenan di Parkietenbos lo bisabo cu esey no

por, pasobra ya e dump aki parti zuid di Aruba ta “Full”. No tin lugar mas! Hasta sushi
a cuminza cay for di e dika parti di lama, y hendenan ta raportando cu sushi a cuminza
contamina lama.

Tur wowo awor ta riba Gobierno, y ya caba por scucha politiconan bisa cu den e dos
periodo gobernacion aki, casi nada a wordo haci pa soluciona e problema di
Dump. Pero awor pueblo su cana a yena, y ta cuminza exigi accion rapido. E machine
di procesa sushi y produci “fluff”, ta uno cu ex-Ministro Booshi Wever a yega di describi,

como un joya di proyecto cu el a laga atras, pero nada a wordo haci cune.

Bo por bisa awor pues, cu Gobierno di Aruba ta simplemente lomba contra muraya
relaciona cu esaki.