Page 62 - KPA

Aruba den gara di criminalidad, pick up horta usa

pa kibra y drenta den Aruba Bank Camacuri

3 hours ago 0 1,384 Views
Camacuri – Dialuna marduga den careda di 1:30 un compania di seguridad ta pidi asistencia di polis cu
urgencia.
Durante cu patrol di e compania di seguridad a bay Aruba Bank na Camacuri, e ta haya e portanan di e
banco completamente destrui.
Esaki ta net banda di e ATM.
Pick Up horta na Seroe Blanco
Segun nos tin entendi cu den oranan di marduga un pick up Nissan color blanco, lo a wordo horta di un
adres na Seroe Blanco.
E pick up aki cu 4 individuo den dje y muy probablemente arma lo ta esunnan cu a comete e acto aki.
Aki a pasa cu nan no a logra drenta e machine.
Un caso hopi serio esaki, caminda un gang ta bay cu e intencion pa drenta e banco o destrui e
bancomatico pa asina bay cu e placa.
Hipotesis
E personanan aki, por yamanan ladron of atracadornan. Kiko lo por a pasa di e momento ey sea e patrol
di e compania di seguridad a yega of un un patruya di polis a pasa eybanda.
E hendenan aki arma, adrenalina halto. E resto di e scenario ta lage pabo pensa, kiko tur por a pasa

Polis ta detene un persona den auto horta, cu a

accidenta na rotonde Las Americas

2 hours ago 0 216 Views
Diadomingo den oranan di marduga, un patruya di polis atento ta mira un Mitsubishi coriendo
basta sospechoso, no a confia esaki y mesora a dun’e ordo pa e para, pero e chauffeur no a
respeta esaki y a primi gasolin bay. E patruya a perde for di bista, e unico cos cu e polisnan a
nota ta e pechi color cla cu e persona na banda tabata tin bisti.
Algun minuut despues un otro patruya riba caya ta topa cu e auto aki, cu a caba di boks na altura
di Rotonde Las Americas.
Algun persona na e sitio tabata bisa cu e auto a bin di pabou cu un velocidad demasiado halto, no
a brake na tempo y a subi e rotonde, destruyendo e arm di auto, caminda cu dos persona lo a sali
di e auto core bay direccion zuid.
Un otro patruya di polis un rato despues a bin topa cu un di e sospechosonan cu tabata cuadra cu
e descripción duna, e sospechoso a keda deteni y ela declara cu e tabata e pasahero cu lo a haya
lift y cu e no conoce e chauffeur.
Polis a haya e switch di auto kibra cual ta duna tur indicacion cu e auto aki ta procedente di
ladronicia.
E auto a keda confisca pa mas investigacion.