Page 82 - KPA

Diadomingo madruga un patruya atento a nota un auto Mitsubishi Lancer preto coriendo
sospechoso, mesora nan a bay su tras y a dun'e ordo pa para pero e chofer a primi trott y a
logra despista e patruya y nan a perde fey bista. Unico cos cu nan a logra nota ta un pasahero

cu petchi color cla. Un rato despues un otro patruya a bin topa cu e Lancer aki accidenta na e
rotonde Las Americas. Algun testigo a declara cu e auto a bini demasiado duro for di pabao y
no a logra para na tempo y a subi e rotonde destruyendo e arm di e auto y a bay keda para
memey caminda parti pazuid di e rotonde y e testigonan a mira 2 sospechoso core bula afo y
bay direccion pabao na careda na pia. Un otro patruya a bin topa un di e sospechosonan cu

tabata cuadra cu e descripcion duna y nan a a detene. E sospechoso deteni mes a declara cu e
tabata pasahero y cu ela haya lift cu e chofer pero e no conose y e chofer a sigui core bay un
poco mas pabao bay lague. Polis a busca den e area pero no a encontre. Polis a nota cu e auto
su switch ta kibra dunando e impresion cu esaki ta procedente di joyriding. Polis a confisca e
vehiculo pa mas investigacion.