Page 68 - SOC DEC 19

ECO DMS a Crea un Celebracion Memorable di Pasco pa
Muchanan Local

Saturday, 17 December 2016 22:12
Comparti

Sport Vereniging F.C. San Nicolas, Lifida A & B, e organisacion deportivo cu ta opera na San Nicolas cu e
meta di envolve muchanan den deporte pa asina nan no ta riba caya
, recientemente a celebra e temporada di fiesta cu un Fiesta di Cena di Pasco, sosteni pa ECO DMS y
varios otro compania local.
Serca di 90 miembro di e organisacion deportivo, variando den edad di 6 pa 15 anja, a tuma over e Santa
Terecita Center na San Nicolas pa nan fiesta anima di cena di Pasco, haci posible danki na e sosten
generoso di varios compania riba e isla.
ECO DMS a contribui na e decoracionnan festivo di Pasco, y a traha hunto cu DeWit Van Dorp pa
sponsor e regalonan pa e muchanan. Alain’s Catering a provee e cuminda, mientras cu Andina Ice a duna
e ijs pa e bebidanan no-alcoholico, cualnan tabata un donacion di Tropical Bottling Company. Elsa’s
Flowershop a crea e bunita centerpieces pa e mesanan, mientras cu e entretenimento y musica a wordo
presenta pa Swingmasterz.
Sport Vereniging F.C. San Nicolas ta ofrece entrenamento y coaching di futbol, asina tambe dunando
muchanan un oportunidad pa nan desaroya nan habilidadnan fisico y social, encurashando nan pa
madura pa miembronan productivo y disciplina denter di nos comunidad.
E fiesta di Pasco no tabata e prome biaha cu ECO DMS a sostene e organisacion deportivo, ya cu e
compania a yuda sponsor e uniformnan di futbol e anja aki.
ECO DMS ta e top Compania di Maneho di Destinacion di servicio completo den Caribe Hulandes,
operando na tanto Aruba como na Corsow, cu un oficina di sucursal na Florida. E compania a combina
creatividad, servicio personal y talentonan profesional superior pa crea experiencianan motivacional
memorable pa clientenan cu ta bin di rond mundo.
Nos portretnan ta mustra e sonrisanan grandi riba e caranan di e muchanan y nan coachnan, mientras cu
nan a disfruta di e Fiesta di Cena di Pasco.