Page 2 - ARUBA BANK

Lider Di AVP, Mr Mike Eman – Empleado Ta

Perdiendo 400 Florin Pa Luna Cu Pakete Di Medida

 Local
- 26/06/2019

Empobrecimento preocupante di nos pueblo

E ultimo cifranan di Centraal Bureau Statistieken (CBS) ta mustra cu e trend di aumento
di inflacion cu a inicia na 2018 cu introduccion di e pakete di medida ta continua.

Manera e situacion ta Aruba ta bay conoce dos aña tras di otro cifra di inflacion “year to
date” rond 5%. CBS: “The percentage change of the CPI over the last twelve (12) months
(April 2018 to April 2019) is 4.7..”
Den dos aña un aumento di 10% di prijsnan na Aruba. Un situacion cu ta haciendo costo
di bida impagabel pa pueblo, e lider di AVP, mr. Mike Eman a analisa.

E lider di AVP, mr. Mike Eman ta mustra riba e cifra di CBS cu ta indica kico un famia
di 4 persona mester pa un existencia basico (bestaansminimum) awor ta Afl. 4,728,==.

E ta cita CBS: The subsistence level for a household consisting of two (2) adults and two
(2) children (aged 0-14 years) in April 2019 is Afl. 4,728, while for a single adult
household it is Afl. 2,251.