Page 11 - KPA

minister Dowers nan a enfatisa e hecho cu ultimo tempo hopi di esnan cu ta
comete atraco riba nos isla ta procedente di nos pais bisiña Venezuela. Hasta lo
tin esnan cu lo ta drenta cu paspoort falso y despues comete nan fechorianan y

bandonan nos pais.
Nos tur sa cu e situacion di Venezuela sigur ta uno hopi malo. Si prome, nos

tabata haya e raspa-tarhetanan, awe nos ta haya esnan cu ta bin, ta purba na
haci actonan ilicito pa asina nan por haya algo pa bay cune. Na momento cu

Gobierno di Mike Eman a bin na poder, nan a bagatelisa henter e maneho di
admision y expulsion estricto y stringente cu mi persona tabata hiba. En bes di

a trata na mehora esaki, tanto minister di Extranheria, Benny Sevinger como
minister di Husticia, Arthur Dowers, kendenan a demonisa e maneho hiba pa mi
persona, a percura pa kibra henter e aspecto di siguridad aki.

Na 2005, na momento cu mi a keda encarga cu DIMAS, y hunto cu esaki e
protocol di 6 di Februari 2006, entre ministernan Pechthold y Verdonk di

Hulanda y Gobierno di Aruba, no unicamente a sanea e situacion cu nos tabata
conoce den henter e asunto di permisologia desde nos Status Aparte. Ni

tampoco caba cu tur corupcion cu a bin ta tumando luga, pero a pone tambe e
Modelo Swisso den ley y a aplica esaki sin ni un excepcion.

Awe nos por tende politiconan cu ta grita cu mester cera frontera y bira mas
estricto den control, pero no ta duna nan pensamentonan riba e cambio di ley di
LTU cu ta na caminda, ni e asina yama Swiss Model cu juist kier bay cambia den

ley.Den nomber di UPP mi a declara caba, cu nos si ta kere cu Aruba ta yen
caba y e mester hiba un maneho mas estricto. Nos capacidad di carga a wordo

surpasa, mientras cu nos por mira cu e situacion socio-economico na Aruba
tambe ta empeorando. Hopi ta esnan cu demonisa mi maneho e tempo ey,te

hasta mi a wordo tilda cu ta dor di e maneho ey, MEP a perde eleccion, pero
awe ta grita pa cera frontera. Nos a mustra caba con necesario un bon

proteccion di nos fronteranan ta. Hunto cu esaki tabata tin asunto di screening
rigoroso di tur cu ta drenta. Mientras cu e sistema di carta di garantia tabata
wordo hiba estrictamente. Awe nos por mira hendenan cu a wordo deporta

pasobra nan ta ilegal of te hasta hendenan cu a drenta via costa, ta drenta
Aruba cu papel den man, permiso di Aruba, pa por bin traha na Aruba.

Como UPP nos a mustra siman pasa caba cu pa ataca e ola di criminalidad lo