Page 98 - KPA

Ta pa 2017 so lo ta flexible cu number di trucknan cu areglo
na Departamento di Impuesto

Thursday, 09 February 2017 22:07
Comparti

E maneho flexible rfiba number pa chauffeurnan cu nan truck ta conta pa 2017 y ora cu tur hende tin e
sistema domina, e ora nan por cumpli cu e terminonan segun ley.
Awor aki ta bay mira si hopi a haya areglo. A comunica esaki ayera. Den transcurso di e simannan cu ta
bin, segun Gomes-Pieter, lo haya peticionnan pa un areglo un tiki mas flexibel. Esey ta preta riba e
conductornan. Tin hopi cliente ta bisa cu nan no tabata sa cu nan mester a entrega plachi di number cu
no ta den uzo y awo cu a bin paga impuesto di 2017, nan ta wordo confronta cu e informacion cu tin 2016
of 2015 ainda habri. E ora nan ta haya nan obliga pa paga esakinan prome cu nan por haya 2017 paga den
e sistema di belasting.

Esey a resalta cerca tur cliente cu a bay paga. Mayoria di cliente cu a bay paga tin tur cos netjes, pero
tambe tin un grupo cu no tin e impuesto paga manera debe ser. Departamento di Impuesto ta mira cu
esey ta parti di dolor caminda cu nan no tabata sa.
Hopi biaha ta comunica esaki via un comunicado di prensa of via website, pero a ripara cu nos clientenan
no tur ora ta lesa. No tin un cultura di lesa y no ta wordo informa debidamente. Ta mira con otro ta yega
na e clientenan via television of via radio cu e ta bira un tiki mas visual y e ta bira un tiki mas catchy pa e
clientenan sa cu tin un deadline of tin cu cumpli pa tal tal dia.
E cambionan tabata necesario y ta mira e frutanan aki, caminda cu Departamento di Impuesto ta den
control awo, den e sentido cu tin bista cua ta e clientenan cu a paga manera mester ta. E clientenan cu no
a paga, tin bista tambe riba nan. Prome cu cuminsa saca cobransa y boet, ta duna tambe un tiki espacio
pa e flexibilidad den pago, caminda cu tur hende por custuma y otro aña ta wak pa tin tur termino di
pago manera mester ta segun ley, Louanne Gomes-Pieters a finalisa.