Page 54 - KPA

Ban yuda gara e criminal cu ta hortando cada biaha na
WEMA Ponton den marduga

Monday, 02 January 2017 16:32
Comparti

A yega e momento pa Pueblo tambe duna un man pa asina autoridad por pone man riba e criminal cu ta hortando
varios biaha caba na WEMA Ponton. E criminal aki a kibra drenta mesun estilo tur tres biaha.

A corta porta di hero dilanti cu su lock y destrui e glas di porta pa djey drenta y horta powertools caro. E ladron a
yega na WEMA cu un pickup dobel cabina cua resulta di ta horta. El a haci manera e pickup a daña. Djey el a bolbe
cu un bari domestico di Ecotech y na momento cu el a drenta WEMA a usa e bari aki pa benta tur e powertoolnna
aden. Cu e bari yen el a sali bandona e localidad y disparce. E pickup cu el a yega cune mes a keda atras. Ta mira e
criminal aki cu su cara tapa cu shirt. El a bay for di e lugar pero tur cos ta mustra cu el a subi otro auto Nissan Sentra
cu despues tambe a wordo haya den e mondi den cercania di EPB Hato un poco mas pabou di WEMA na Ponton.
Autoridad a wordo avisa e marduga pasa di 4or. E Pickup laga atras a wordo horta for di Rancho. Dos auto a keda
confisca. E investigacion ta sigui pa asina gara e criminal. Asina mes e comunidad por duna un man pa mas rapido
logra e criminal aki tras di trali. E merece di bay sera. Ademas esnan cu ta cumprando e Powertoolnan aki horta
tambe lo cay sera y mester duna cuenta dilanti di huez. Loke a wordo horta na Powertool prome robo menos cu dos
luna pasa tin balor di 11 Mil Florin. Ta mesun criminal ta bin tur biaha. E ultimo biaha aki marduga pasa di 4or a
logra bay cu 8320 florin na Powertools. Pa bay un tiki mas specifico, a bay cu dos Demolation Hammer marca.
Bosch, dos lightweight circular saw marca DeWalt, un Hammer/Drill Impact Kit marca DeWalt, un Chipping
Hammer Kit di DeWalt, un Hammer di DeWalt, 2 Hammer Drill Max Combi di Milwaukee, un Demolation Hammer
di Makita. Tur loke a wordo menciona aki ta den e robo ultimo biaha cu a suma mas di 8000 Florin. Ban nos tur
yuda pa asina e criminal aki bay sera y perde su libertad pa nos haci mas daño. Si abo sa di e persona aki, porfabor
yama e tipline di Polis na 11141. Abo lo keda anonimo. E ta importante pa hunto nos yuda Polis pa yega mas liher na
e criminal hortando na WEMA Ponton.