Page 71 - KPA

Rubin Ponson di DOW: Tabata tin demasiado hopi klapchi y
no tur a wordo bendi

Monday, 02 January 2017 16:51
Comparti

Nos ta riba e di dos dia di aña. Tur loke tin di haber cu benta di vuurwerk ta tras di
lomba pa 2016. Rubin Ponson, experto den explosivo di DOW, a splica con cos a bay y
tambe kico por cambia riba hentere e desaroyo aki.

El a conta cu manera cu a premira, for di 2016 caba, di e cantidad di containernan cu a wordo
importa, cu esaki ta demasiado, mirando e cantidad cu a sobra for di 2015. Esey a resulta awor
aki cu ultimo dianan ainda tabata tin hopi klapchi cu a wordo bendi y tambe di e
comentarionan cu ta scucha di e bendedonan, cu a bay hopi slow y no manera e añanan
anterior y esey ta pone DOW casi saca e conclusion cu pa wardamento di klapchi awor aki tin
un cantidad grandi cu lo mester treci bek pa Wela.

Deadline

Ultimo dia pa entrega ta dia 7 di Januari. Nan tin un siman pa entrega esaki y despues di e
fecha aki, lo cuminsa cu e controlnan tambe riba diferente luga si tin luga ainda cu por tin
klapchi.

Con lo warda nan

Segun Ponson, esakinan lo wordo warda na Wela. nan por hincanan den e warehouse mes
durante henter e aña, pero mayoria, si ta cantidadnan grandi, lo wordo treci den container y
nan ta wordo warda den container mes riba tereno di Wela.

Siguridad extra

Ponson a relata cu e containernan lo bay wordo blokia y tin pensa di pone siguridad riba Wela.
Dolornan di cabes

Pa e parti di importacion di klapchi ta hunga un rol grandi eynan cu no tin mucho control riba
esaki. Pero lo bay purba for di comienso di aña, reuni cu e importadornan pa wak con por yega
na haci e importacion menos pa asina na final di aña, locual ta sobra ta menos tambe. Deseo di
DOW ta cu na final di aña no sobra ningun klapchi, cual ta e meta. Lo bay papia cu nan pa wak