Page 57 - ON JAN 17

Fondo pa campaña pa partido nobo ta regla caba

Monday, 16 January 2017 20:51
Comparti

E combinacion politico entre partido E Forsa Nobo y Democracia Real, ta hayando un rabo basta largo y
hopi interesante
, despues di declaracionnan haci pa miembro di e partido aki, Alonso Tromp.
Reaccionando riba un comunicado di prensa di e lider di Democracia Real, Andin Bikker y tambe un
anuncia publico paga pa e mesun lider aki, a pone cu Alonso Tromp a dicidi di reacciona den e programa
radial di Canal 90 dialuna mainta.
Tromp a mustra cu motibo di bin radio pa aclaria loke a wordo publica pa Andin Bikker, ta pa e hecho cu
e berdad no ta wordo papia riba e desaroyonan cu e partido a wordo hinca aden pa e lider actual.
Tin un proceso di formacion cu a tuma luga, sin cu miembronan di Democracia Real tabata na altura di
esaki y kendenan a wordo confronta cu e realidad despues cu decisionnan a wordo tuma caba dor di
Andin Bikker.
Alonso Tromp a mustra cu Democracia Real no ta un ‘stichting’ caminda e ora si Andin Bikker tin tur
autoridad pa papia sin sosten di directiva total di e partido pero e partido cora ta un organisacion
caminda tur hende riba e lista, ta forma parti di e directiva general.
E candidato number dos riba lista di PDR a sigui mustra cu durante diferente reunion cu a tuma luga
entre otro den un sala di reunion na su cas, a atende henter e proceso aki y el a mustra cu cada bes e
tabata wordo sorprendi pa cierto cosnan, sigur despues cu el a wordo apunta pa cuminsa papia cu
posibel candidatonan cu lo kier forma parti di e lista pa proximo eleccion.
Pa tal motibo tabata un sorpresa grandi ora cu Alonso a haya tende cu tur cos ta cla caba y hasta cu
Bikker lo entrega liderato di e partido nobo den man di Otmar Oduber, ya cu Alonso ta kere cu
Democracia Real ta un partido cu ta creciendo formalmente si tuma resultado di e ultimo eleccion na
cuenta.
Despues den reunion cu Simon Arends consehero di Otmar Oduber, tambe Alonso a wordo sorprendi cu
declaracion di e persona aki cu ya tur cos ta papia y regla entre Otmar yAndin, sin cu directiva di e
partido ta na altura di esaki.
Fuera di esakinan, Alfonso a bin compronde durante di otro reunionnan cu a tuma luga cu ya tin
decisionnangrandi a cay relaciona cu e partido nobo, principalmente pa loke ta financiamento di e
partido pa e proximo campaña electoral.
Sin menciona e cifra envolvi pa motibo di etica, Alonso a sigura cu aki ta trata di suma impresionante cu
lo ta ser poni disponibel pa algun patrocinado di e partido pero cu nunca a ser informa na directiva di
Democracia Real y con esaki, y dor di kende, lo wordo maneha.
Ta cosnan cu ta inaceptabel den un organisacion politico serio manera Democracia Real pero cu awor ta
wordo trapa pa e actual lider.
Alonso Tromp a mustra cu varios hende a adverti Andin Bikker di henter e proceso pa uni Democracia
Real cu partido POR loke no a ser tuma na cuenta dor di e lider.
E partido tin un statuut caminda e reglanan ta papia palabra cla y entre otro sr Tromp a mustra riba un
punto den e statuto di Democracia Real, cu ta mustra cu si un miembro dicidi di uni su mes na un otro
organisacion politico, ta motibo legal pa e wordo raya for di e organisacion aki, loke awor ta bay pasa cu
Andin Bikker pa su decision cu el a tuma sin debidamente informa directiva di e partido riba e asunto
aki.