Page 66 - ON JAN 17

Na prome instante a pidi pa e reunionnan no bay door pero Hulanda y Aruba a

bisa cu ta hopi importante pa e reunionnan bay door. Y asina lo informa e
coleganan nobo tur loke a wordo trata caba den IPKO.

Por a duna un relato di diferente topiconan. A keda di papia geschillenregeling,
ta depende di e presentacion di e ley pa loke ta Sr. Plasterk, Minister encarga cu

Asuntonan di Reino.
Esey ta depende ainda kico Hulanda ta bay haci pa asina Parlamento di Aruba
por bin cu amiendanan.

E reunion a bay den un ambiente ameno, a discuti p.e. Salubridad. A haci un
sondeo y minister di Aruba Sr. Schwengle a haci un Health Care Conference.

unda a yega na palabracion riba diferente topico. Aworaki a check back unda ta
cu e diferente topiconan aki. Y a trata tambe e protocol pa hisa calidad di cuido

y tambe e International Health Revelations.

Pa loke ta hubentud a papia over di e topico y a keda analisa esaki.
Delegacionnan a haya un bunita presentacion di Corsou, unda nan ta bezig cu

un maneho pa loke ta trata hubentud pa loke nan ta haciendo. Igual Aruba cu
tin un Jeugdbeleidsplan. Ta importante pa keda papia ariba e topico.

A discuti tambe topico di enseñansa, e buraco cu tin unda cu hendenan cu a
studia den añanan anterior no ta haya nan full pensioen y tin ta hasta perde
10% di nan pensioen. Coleganan Hulandes ta bisa cu esaki ta algo cu mester

wordo resolve pa e Gobierno di Aruba, pero e ta keda un punto di discusion
entre e diferente delegacionnan.