Page 4 - MIN ARENDS 18 APRIL 2017

Parlamentario Jeffrey Kelly: Instituto financiero Qredits lo
brinda e oportunidad na empresarionan hoben cu kier

cuminsa cu nan propio negoshi

Tuesday, 18 April 2017 09:14
Comparti

Instituto financiero Qredits a habri su portanan den MFA Noord y lo brinda e oportunidad na esnan cu
kier habri of cuminsa cu un negoshi. Segun Parlamentario Kelly na Aruba tin un grupo grandi di “young
entrepreneurs” cu ta interesa den setup nan propio negoshi y hopi di nan tin ideanan inovativo y
creativo.

Naturalmente no ta facil pa haci esaki pa motibo cu ora bo cuminsa cu bo negoshi bo tin mester di fondo.
Awendia ora bai banco mester tene cuenta cu na momento cu haci tipo di prestamo pa cuminsa cu un
negoshi ta exigi un “collateral”, o sea cu lo mester hipoteca bo cas of otro propiedad y tambe bo mester
tin un plan empresarial. Esaki no ta haci’e facil y ta bira un obstaculo pa esnan cu kier lanta nan propio
negoshi. Kico Qredits ta ofrece? Instituto Qredits ta un institucion “non profit” cu ta mas habri pa “young
entrepreneurs” y pa nan ideanan. Ultimo añanan Gobierno a tene varios combersacion cu KVK, ATIA y
San Nicolas Business Association. Durante e combersacionnan aki semper e peticion pa e tipo di
iniciativanan aki tabata bin dilanti. E diferencia entre Qredits y demas instituto financiero ta cu e
instancia aki no ta pidi borg pa e fianza. Aprobacion di e fianza ta basa primordialmente riba e plan di
negoshi cu ta wordo presenta.

Banda di esaki tambe ta ofrece coaching na e entrepreneurs. Qredits sigur ta pone un base pa e
desaroyonan economico di Aruba y lo sostene empresarionan nobo y lo habri caminda pa cana pa nan
por ta exitoso. Como empresario bo por presenta bo plan di negoshi na Qredits y nan lo por brindabo e
ayudo financiero y alabes yuda cu e setup di bo businessplan. Parlamentario Kelly ta aplaudi e iniciativa
aki y lo keda vigila e desaroyonan di serca y ta spera di mira e frutanan cu esaki lo tin pa nos economia.