Page 50 - AVP

ORANJESTAD (AAN): Lider di AVP, Mike Eman a dirigi su mes den un discurso nacional
na pueblo cu ta pasando den momentonan duro. Partido AVP a indica den un
comunicado di prensa diadomingo anochi cu esaki tabata un siman di masha discordia
social y problema laboral ta tras di lomba unda di tur banda tabatin manifestacion di

gruponan den nos comunidad vociferando nan malcontento y desapunto den maneho
di actual gobierno.

Eman, kende a wordo acerca pa hende di tur color politico a duna oido na nan peticion

y a tene un discurso den cual e ta convivi cu comunidad den e turbulencia actual.

Eman a cuminsa su discurso bisando cu den cada momento dificil den nos historia nos a
haya contesta y un direccion nobo den contempla cu un curason habri con nos a yega

aki y cu cua boluntad, forza y energia nos lo supera.

“Den cada momento di desapunto, inkietud, incertidumbre y sentimiento di abandono
tin e oportunidad di e buskeda di contesta y di refleccion profundo. Tin momento cu den

tur humildez, cu rudia na tera y cara na shelo, nos ta puntra nos mes kico den asina
corto tempo a ranca for di nos curason e alegria di nos cuna venera. Pa e contestanan
ta profundo nos amor prohimo y nos pasion patriotico mester carga nos riba nos
passion partidario, pasobra reduci e situacion actual na un debate politico lo no hiba

nos na e conclusion cu ta mas profundo cu un color politico, pasobra e causa no tin
color, pero e tin di haber cu hende”.

Eman a bisa cu e instituto gobierno no tin un consenshi di su mes. E no tin un curazon

di su mes. E no tin capacidad moral y intelectual di su mes. Ta hende ta trece of no
trece nan na e lugar importante aki cu ta dirigi nos bida y nos destino.

“Esey kiermen cu awenochi mi ta haci boso un peticion dificil, pasobra mi ta consciente

cu mi mes ta un lider politico, cu un color politico profundo den mi bida, pero mi ta kere
cu e momento cu nos ta bibando mester di nos sin prehuicio partidario, pero cu un alma
habri los di nos color politico. Pasobra e contesta cu nos ta busca, no mester
unicamente carga nos for di e situacion actual, pero mas importante mester bira e

cuadra di referencia na cual nos lo midi tur cos den futuro pa evita ripiticion. Nos
refleccion mester duna nos normanan duradero, skirbi den nos alma, cu lo pasa di un
generacion pa otro, mescos cu e escrituranan riba e tablanan di Moises.”