Page 195 - ARUBA BANK
P. 195
Lo tin un area (Customer Engagement Corner) cu iPads unda combina cu “Service
Ambassadors” nobo lo introduci clientenan na e servicionan digital manera Online
Banking y eAmigo Online Assistance. Lo asisti clientenan cu tin pregunta tocante nan
servicionan manera prestamo di hipoteca, personal, pa auto, credit card, Bancomatico,
seguro y mucho mas.
Na mes momento lo ta estrenando e concepto di mas nobo cu yama “ASK” (Assisted
Service Kiosk) y cu a wordo desaroya in-house. Usando ASK clientenan por haci uso di
un “digital interface” cu touch-screen pa pidi tarheta nobo y den un segundo fase lo por
aplica pa prestamo, Online Banking y otro servicionan.
E branch aki tambe lo ta e prome den nos grupo di banconan unda lo usa un sistema
digital interno pa pone screens cu informacion balioso pa cliente como tambe nos
promocionnan, pero tambe “featurettes” interesante unda lo presenta entre otro
clientenan, personahenan y heroenan di nos comunidad.
CMB ta hopi orguyoso di tur e coleganan cu a contribui na e construccion di e branch
aki y tambe di esnan cu e desaroya e conceptonan pa asina por presenta y logra habri e
Smart Branch nobo aki.
E Smart Branch aki, hunto cu servicionan unico y nobo manera eApps, eAmigo y ASK lo
facilita bida di nos clientenan. Sinembargo loke ta mas importante ta cu clientenan por
sigui conta cu e servicio personalisa y profesional hunto cu e experiencia di nos
hendenan.
Nos ta desea e staff di Santa Cruz Branch cu lo ta bao guia di Laura Tromp hopi exito.
