Page 201 - ARUBA BANK
P. 201
E sucursal nobo aki lo conta cu diseño y structura moderno cu tellers trahando cu “cash
recyclers” cu ta permiti nan atende clientenan mas lihe, mas precies y tambe cu nan por
cera caha mas facil na final di dia.
Lo tin un area (Customer Engagement Corner) cu iPads combina cu “Service
Ambassadors” nobo cu lo introduci clientenan na servicionan digital manera Online
Banking y eAmigo Online Assistance. Lo asisti clientenan cu tin pregunta tocante
servicionan manera prestamo di hipoteca, personal, pa auto, credit card, Bancomatico,
seguro y mucho mas.
Na mes momento lo estrena e concepto di mas nobo cu yama “ASK” (Assisted Service
Kiosk) desaroya in-house. Uzando ASK clientenan por haci uzo di un “digital interface”
cu touch-screen pa pidi tarheta nobo y den un di dos fase lo por aplica pa prestamo,
Online Banking y otro servicionan.
E sucursal aki tambe lo ta e prome den e grupo di banconan cu lo uza un sistema digital
interno pa pone screens cu informacion balioso pa cliente como tambe promocionnan,
pero tambe “featurettes” interesante, presentando entre otro clientenan, personahenan y
heroenan di nos comunidad.
