Page 12 - awm18feb2017

12 AWEMainta Diasabra, 18 Februari 2017

Ayera tabata un diabierna hopi tristo y scur

Morto sorpresivo di Enty Giel y di

Norman Browne tin Aruba den shock

AYERA madruga, na momento cu dia tabata habri, e noticia di fayecimento
di Enty Giel y Norman Browne a sorprende tur hende.
Ningun hende no kier a kere loke nan tabata lesa of e whatsupnan cu tabata
circula, cu Enty Giel, un conocido personahe na Aruba Tourism Authority, pero
un gran Carnavalista, pa hopi aña participante di Los Laga Bai a sufri un atake
di curazon, cu no a duna oportunidad pa despedi di su sernan keri.
Ainda algun ora prome di su morto, Enty a keda cla cu su trahe pa bay parade
di luz, pa despues a keda sorprendi cu su morto.

Despues di esey, a drenta noticia cu e conocido musico, artista, Norman Browne
tambe a fayece a consecuencia di un atake di curazon. Tur esaki despues di a
duna un presentacion den The Pub na Corsou.

Esnan cu a sigui dicho actuacion, por a mira cu Norman Browne no tabata sinti
bon y el a bisa esey tambe, cu tabata motibo cu e tabata sinta.
E tabata soda hopi y tabata keha di dolor den sup echo, pero a nenga di bay
dokter.
El a kere cu un soppi lo kita e dolor den pecho, pa cual el a dicidi di bebe un
soppi pa despues bay cas pa drumi, pero nunca mas a lanta.

Asina Nando Browne, alias “Breakah” y Enty a sorprende tur hende cu a conoce
nan y a pone un nubia scur riba celebracion di Carnaval na Aruba.
Unico consuelo, celebra nan bida y cu nan por haya sosiego den Reino di Señor.
Paz na boso restonan y condolencia na henter famia.