Page 33 - MIN ARENDS

Drs. Mervin Wyatt-Ras: Diamars presupuesto di fondo di
Turismo a ser aproba y otro siman lo trata e.o. presupuesto
di Raad van Advies y esun Suppletorio

Thursday, 15 December 2016 19:13
Comparti

Presidente di Parlamento ta trese padilanti cu e presupuesto di e fondo di turismo a keda aproba diamars
dia 13 di december. Esaki despues di cambio di ministers. Unda Minister de Meza a remplaza minister
Otmar Oduber. Durante e reunion 10 parlamentario a hiba palabra.

Minister a contesta conciso. Dos mocion a ser presenta dor di e fraccion di Avp, di cual un di nan a ser
aproba unanime. Diferente temanan a ser trata durante e reunion manera criteria pa financia
proyectonan, certificacion, percentahe di distribucion di fondo, iniciativa certificacion di beachnan,
hyperbaric chamber, infrastructura di beachnan, atencion pa nos cultura y tradicionnan como
fortificacion di nos turismo, embeyecimento di beachnan, seguridad rond beachnan. Durante e segunda
tanda e fraccionnan a palabra conhuntamente pa no haci pregunta pero pa solamente presente e
mocionnan. Pa otro siman tin intencion pa trata e presupuesto di Conseho Consultativo y e Presupuesto
Suppletorio. Ademas lo trata e Cuenta annual di 2015. A ricibi e Ley cu ta regardando installacion di e
ministerionan(LIM) y den caso logra tin posibilidad pa trata e ley aki tambe den reunion pubico. Segun
Presidente otro siman lo bira un siman ocupa pa asina rond af loke falta ainda pa trata pa e anja aki.
Wyatt-Ras a tuma nota di critica ariba e hecho cu no a trata e ley di Conseho Consultativo. E ta reacciona
cu ta trata di un Colegio halto y di importancia y cu sigur promer cu bai cu reces lo trata nan
presupuesto.