Page 33 - AVP
P. 33
Partido MEP Ta Contento Cu Cambio Di Nomber
“Sasakiweg” Den “Avenida Nelson Orlando Oduber”
Politica
- 15/08/2019
Recientemente Gabinete Wever-Croes a tuma e decision pa nombra “Sasakiweg”, esta e
caretera cu ta cuminsa for di e cruzada banda di Sun Plaza Mall y finalisa te cu e cruzada
na Malmokweg como “Avenida Nelson Orlando Oduber”.
Sin duda cu esaki ta un bunita reconocemento na un gran politico y gobernante, Nelson
Orlando Oduber, kende a sirbi nos pais pa mas di 35 aña, tanto como Diputado,
Parlamentario y Minister Presidente.
PAKICO AVENIDA NELSON ORLANDO ODUBER?
Tabata ex Diputado sr. Nelson Orlando Oduber, kende a percura na 1983 pa introduci e
plan di infrastructura turistico, “Plan Sasaki”, caminda a percura pa mas di 100 hectar di
tereno wordo desaroya pa construi facilidadnan turistico y cual plan a encera e.o.
construccion di varios caretera nobo, e.o. e caretera principal for di Eagle te Malmok,
conoci como Sasakiweg.
