Page 26 - HOH JAN 16

Que Pasa Restaurant a percura pa ambiente di fin di aña na
PAAZ

Sunday, 15 January 2017 12:07
Comparti

Dia 22 di December ultimo a tuma luga e famoso Christmas Dinner pa e clientenan di PAAZ. Mas cu 60 cliente a
gosa di un tremendo 3-course dinner cu e aña aki a wordo ofreci pa Que Pasa Restaurant. Ya ta 5 aña consecutivo cu
un restaurant local ta ofrece pa yuda e grupo vulnerabel aki. Alabes mester enfatisa cu tur aña un grupo di boluntario
ta bini PAAZ pa asina sirbi e cena di Pasco aki na e clientenan.
Tur a gosa di e famoso sopi di tomati, un lasagna suculento di carni y seafood y pa cera e anochi cu broche di oro a
sirbi un delicioso brownie como dessert.
Di e forma aki, clientenan y empleadonan di PAAZ di Dr. Horacio e. Oduber Hospitaal ta gradici Addie Meier y
Marvin van Paridon di Que Pasa Restaurant pa nan donacion generoso di un Christmas Dinner pa tur e clientenan
cu durante dianan di fiesta lo ta kedando den PAAZ.
Tambe un palabra di gratitud ta bay na e boluntarionan cu a duna nos clientenan un tremendo servicio den persona
di Celeste, Danique, Claire, Janis, Petra y Gionette.
Un saludo cordial tambe ta bay pa Jeroen Kuling, cu ya pa algun aña ta corda e mundo di restaurant riba e
clientenan di PAAZ. Staf y personal di PAAZ ta extende palabranan di gradicimento na Que Pasa Restaurant cu a
saca un man y yuda durante dianan di fiesta cu un gesto asina bunita.