Page 39 - JUS

AWEMainta Diamars, 17 Januari 2017 9

Parlamentario Clarisca Velasquez (AVP):

Ley a pasa pa number

di auto mas cu 30 aña

bieu ta paga mita

plach’i number so

“DIA 19 december 2016, ley di number di auto a pasa
cu su cambionan y un di e cambionan ta cu tur esnan
cu tin auto cu ta mas bieu cu 30 aña ta bay paga mita
plach’i number so”, segun Parlamentario Velasquez.

“E cambio aki a wordo haci den e ley ta pasobra e
autonan aki ta core un paar di dia pa siman so y no
ta husto cu nan ta paga ful aña pa e number di auto
pa e tipo di autonan aki.
Pero a tuma nota di kehonan di conciudadanonan cu
a bay ontvanger y of hulpbestuurskantoor y/of MFA
pa paga number di auto a haya nan cu e sorpresa
cu e caheronan ta bisa cu mester paga ful aña. Ora
a informa na SIAD a bin compronde cu ley a pasa
december y ta drenta na vigor januari 2017, pero cu
e sistema di computernan no a wordo adapta na e
cambio aki”, e Parlamentario ta splica.

“Ta pidi comprension di parti di e doñonan di
autonan “classic” pa e cambionan tuma luga den
computer na SIAD of ta sugeri pa paga mita aña y
despues lo wordo informa pa busca e sticker cu ful
aña ta paga. Of por paga ful aña y lo yama e doñonan
pa restitui e mita placa bek.
Ta spera comprension di parti ciudadanonan pa e
tardansa rib’e cambionan den e computernan di
SIAD pa cu e ley di number di auto”, Parlamentario
Velasquez a duna di conoce.