Page 84 - JUS

Hopi biaha ta ora cu e muchanan aki ta cabando scol secundario of cu nan ta
pensa den sigui un estudio avansa den exterior, cu nan ta realisa cu nan no ta
mas den posesion di un permiso vigente. Y esaki ta trece cun’e situacionnan

fastioso.
E tema aki tin basta tempo ta andando den nos sociedad y e tin atencion di

Gobierno. Ministerio di Integracion bou di guia di Minister Benny Sevinger
conhuntamente cu DIMAS y demas partnernan den e cadena di stranheria, ta

trahando hunto pa por yega na un maneho apropia pa e grupo specifico aki.

Mester remarca cu den pasado ya caba diferente maneho a wordo implementa
cu a brinda mayornan cu tin yiunan cu nan status no tabata regla e oportunidad
pa coregi esey. For di nos cifranan di e tempo ey por ripara cu no a haci uzo

optimalmente di e oportunidadnan ey.
Gobierno ta subraya cu e ta responsabilidad di cada mayor pa semper percura

pa e status legal di nan yiunan menor ta na ordo cada aña desde nan ingreso of
nacemento na Aruba pa no crea buraco den nan estadia legal na Aruba.

DIMAS, Departamento di Integracion, Maneho y Admision di Stranhero ta
operacional desde 1 di juli 2006y ta situa na Paardenbaaistraat 11 (ex edificio di
Ontvanger), na Oranjestad. DIMAS ta encarga primordialmente pa procesa

peticionnan pa un permiso di estadia y residencia temporario of definitivo na
Aruba (sea cu ta pa traha of no). Tambe DIMAS ta procesa peticionnan pa un

extension di e estadia turistico, peticionnan pa declaracion di constancia cu no
ta rekeri di permiso of constancia cu tin admision segun ley y peticionnan pa

carta di re entrada.

E orario di oficina di DIMAS ta di dialuna pa diabierna di 7:30 am – 12:00 pm y
1:00 pm -4:30 pm. DIMAS su call center 5221500 ta alcansabel durante orario

di oficina. Tambe por dirigi un email pa DIMAS (24/7) na dimas@aruba.gov.aw.
Pa keda na altura di (cambionan den) procedura, proceso, maneho, download

formulario y lista di rekisitonan y tambe pa traha bo cita online pa e diferente