Page 13 - UTILITIES

Nathalie Maduro: Santa Rosa ta gradici Minister President y

WEB pa logro di reduccion di tarifa pa cunukero

Wednesday, 03 May 2017 19:57
Comparti

Director di e Departamento di Agricultura, Cria y Pesca (Santa Rosa), Sra. Nathalie Maduro a forma parti
di e negociacionnan cu Minister President y alabes titular di Sector Primario Mike Eman
a encabesa pa logra yega na un tarifa mas conveniente di awa pa nos cunukeronan. Ora cu a logra esaki,
Maduro a expresa no solamente su gradicimento, pero tambe a probecha pa encurasha e cunukeronan
pa demostra nan capacidad awo.

“En berdad nos kier wak sector primario crece y nos hendenan come mas saludabel, pero un di e retonan
mas grandi ta awa, dus awe mi ta kere ta un dia historico pasobra nos a logra algo grandi cu ta e
posibilidad di haya awa hopi mas barata pa nos cunukeronan,” asina Sra. Maduro a cuminsa bisando.

“Di banda di Santa Rosa nos kier pidi e cunukeronan tambe pa ban wak esaki como un oportunidad
positivo pa boso, haci bon uso di e awa y traha hopi mas pega cu Santa Rosa paso asina nos por yuda
boso hopi mas. Mi ta spera cu cada cunkero realisa cu a tuma nos 7 aña pa logra esaki, pero nos a logre.
Di boso banda awo ban mustra kico nos sector primario tin aden”

Mas aleu, director Maduro a gradici Gabinete Mike Eman II, como tambe gerencianan di WEB Aruba
N.V. y Utilities Aruba N.V. pa e sosten y cooperacion. E cifra specifico no a keda revela ayera durante e
anuncio oficial di ayera pa motibo cu Santa Rosa y WEB ainda mester sinta na mesa pa rond af cierto
detayenan. Minister President Eman a adelanta si na e momento ey cu e ta cualifica e reduccion como
uno substancial.

http://www.24ora.com/index.php?option=com_content&view=article&id=121432:nathalie-maduro-
santa-rosa-ta-gradici-minister-president-y-web-pa-logro-di-reduccion-di-tarifa-pa-
cunukero&catid=1:local&Itemid=5