Page 11 - AWEMAINTA

Diasabra, 22 December 2018 AWEMainta 11

Rocco Tjon:

Fraccion di MEP ta satisfecho cu

trabounan desplega den 2018

DURANTE 2018 Parlamento a trata 11 ley y fraccion di MEP a entrega 3 ley di

iniciativa. Esaki banda di tur e reunionnan den e diferente comisionnan fiho

pa keda na altura di e maneho di Gobierno.

REUNIONNAN PUBLICO
Parlamento a trata presupuesto 2018, presupuesto supletorio 2018 y pre-

supuesto 2019 e aña aki. Otro leynan cu a wordo trata ta e fondo pa e

Crisisplan Social, ortografia di Papiamento, cuenta anual 2016 y e re-
forma fiscal.

Otro reunionnan publico hopi importante tawata relaciona cu siguridad na
nos frontera y e situacion di Venezuela. Tambe pa prome biaha den

historia Gobierno a bin Parlamento y atraves di cifranan splica

con nan ta ehecuta e Presupuesto aproba. Esaki, entre otro,
a conduci cu pa prome biaha nos a conoce un presupuesto

supletorio “budget-neutraal”.

TRABOUNAN DEN 2019

Na comienso di 2019 lo keda cla cu e contestanan riba
e rapport di Raad van Advies, pa asina por trata e ley

di financiamento di partidonan politico, Screen-
ing di Ministers y ley di identificacion. Banda

di esaki ta premira tambe cu lo caba cu e ley di

iniciativa pa loke ta un autoridad riba e mercado
financiero y e “meldcode” pa abuso en general.

MENSAHE PA FIN DI AÑA
Nos ta den temporada di harmonia, union y paz. No

laga nos diferencia politico causa desunion y destruc-

cion. Den 2019 na bienestar di nos dushi Aruba, laga
nos hiba un politica constructivo, skerpi pero al caso

y uno ehemplar.

BON DESEONAN PA PUEBLO

Den nomber di fraccion di MEP, mi kier desea
henter pueblo di Aruba feliz dianan di fiesta

yena cu amor y un prospero aña 2019.