Page 2 - AWEMAINTA
P. 2
2 AWEMainta Diasabra, 22 December 2018
Evacuacion medico riba Cargo Vessel UAL Cologne
AYERA madruga Rescue Coordination
Center di GuardaCosta a ricibi un no-
tificacion di Aruba Ports Authority cu
un tripulante abordo di e cargo vessel
UAL Cologne a bira malo.
E homber di nacionalidad Filipino
tabatin keintura halto y tabatin mester
di asistencia medico. E barco cu ta na-
bega bou di bandera Hulandes a bay
para na 0.5 miya for di Paardenbaai
na Aruba p’asina e homber por ricibi
asistencia medico.
SuperRib di GuardaCosta a bay cu un
team medico y un dokter pa yuda e
Filipino. A diagnostica cu e persona cu
tur probabilidad tin dengue. P’esey a
manda e persona cu ambulance hospi-
tal pa por ricibi mas tratamento.
Fiscal a suspende detencion di sospechoso di melding di bom na Aeropuerto
FISCAL di Ministerio Publico husticia a dicidi ayera pa suspende
detencion di e muher Hulandes, cu ta wordo sospecha di menaza y di a
haci un melding di bom falso dia 16 di december ultimo na Aeropuerto
Reina Beatrix.
E investigacion lo sigui y e muher lo mester presenta dilanti Corte na
un otro fecha.
Tabata diadomingo dia 16 di december ultimo, den careda di 10’or
autoridad a bay den un alerta y a cuminsa mobilisa su Unidad di Bom.
Informacion e momento ey tabata cu riba e buelo di e compania TUI
364 (AUR-CUR- AMS), lo tin un bom. Casonan asina ta wordo tuma
hopi na serio.
T’asina cu un persona femenino di inicialnan W.H., a keda deteni,
como e sospechoso principal relaciona cu e caso aki.
E avion di TUI a keda di sali un dia despues, pero e sra.W.H. si a keda
encarcela pa sigui cu e investigacion. El a a pasa henter dia pa tende
algun testigo, pero manera menciona, sra. W.H. a keda encarcela.
Consecuencia ta cu e buelo di TIU a sufri un retraso considerable, cu
sigur e dama sospechoso aki lo mester bay paga p’e daño causa.
Y ayera el a ser laga den libertad, pero e no por bolbe Hulanda ainda.
