Page 51 - MIN ECEM

E free for all cu barconan di pazuid lo wordo atendi
estrictamente pa evita cu hende ta haci y deshaci na waf y

drenta Aruba

Tuesday, 14 February 2017 22:34
Comparti

Na e momentonan aki ta informando esnan cu ta uza e botonan procedente di Venezuela riba e reglanan cu lo bay
bin. Ta spera cu no bay mas aki rato corte y bisa cu a gedoog hopi aña e cosnan cu no a bay bon y pesey mester keda
asina. No lo bay facilita hende cu no lo tene nan mes na ley pa yega sin mas nos isla via boto.

E minister a accentua cu nan no a wordo permiti un biaha pa subi riba tereno si e cosnan no ta na ordo. E ta haya si
cu na porta di waf nan no ta laga hende di pafo via tera drenta sali na waf. Pero a constata e facilidad con otro
hendenan ta subi y baha for di e waf aki ora yega cu boto. A mira tambe di e acercamento di hendenan na e waya.
Pues nan a mira e risico ta hopi grandi. Pesey a bin cu e maneho aki. Tin basta dia ta andando y awor aki ta na
finalisacion di e proceso. Pesey ta cuminsa informa na comunidad pa tur hende sa kico ta bin y tur esnan cu tin un
cierto beneficio di esaki, pa nan mira con ta organisa e cosnan mas miho posibel, pa asina ey nan negoshinan sigui
cana, den e caso aki, negoshinan legal.

Minister Dowers a splica cu no por sali for di waf bo mes bay bende. Si bo ta transportador di producto, ta entreg’e
na un agencia y despues di esey tin cu bandona nos pais. Si bo no por haci esey, lo bo no por keda trece bo carga y
negoshi aki. Hendenan mester compronde bon cu e cosnan aki por bira fastioso. Ta hacie unicamente pasobra tin un
indicacion cu e free for all a duna e posibilidad pa cosnan no bon tuma luga. Por a tende un politico, ex minister,
papiando riba esaki. Minister Dowers no a reacciona riba esaki. Pero lo yega un momento cu e politico mes lo bay
splica cu tur e cosnan cu e mes tabata haci, bayendo Venezuela etc., hibando y treciendo cosnan cu no mag. Ta sigur
cu pueblo sa sigur ken e ta y lo bay bin na su debido tempo riba esaki, e Minister a splica.