Page 73 - MIN JUS 15 MAY 2017

Habitantenan di Noord a ricibi Minister Dowers cu brasa
habri

Sunday, 14 May 2017 19:28
Comparti

Diasabra mainta un grupo grandi di campañadonan di Partido AVP, incluyendo algun candidato y
Minister a sali bishita e casnan di pueblo den Semeleerstraat y bisindario.
Minister mr. Drs. Arthur Dowers tabata entre e politiconan den e grupo y un cantidad di e habitantenan
a pidi pa e pasa bishita pa nan papia cune.

Na un forma pragmatico y sigur di su mes, el a comparti su maneho, a splica di e esfuersonan cu e
aparato hudicial ta realisa tur dia den nan lucha contra criminalidad, a repasa e retonan pero
specialmente a conta di e logronan y exitonan cu husticia tabatin e ultimo añanan. E habitantenan a
keda impresiona cu e vision di e mandatario, riba con pa sigui uni esfuersonan cu su coleganan di
enseñansa y di asuntonan social pa hunto forma un solo frente pa atende cu hobennan problematico y
demas retonan pa cu criminalidad.

Mr. Drs. Arthur Dowers a participa den eleccion pa prome biaha na aña 2001 y a conta cu 203 voto di
confiansa. Den eleccion di aña 2005, despues di a sinta 4 aña den Parlamento, su votonan a subi te cu
858 y na aña 2009 e votonan a sigui crece te na 1281. Mester menciona cu despues di a goberna 4 aña
den e funcion di Minister di Husticia y Enseñansa, e politico a resulta un di esunnan cu mas a crece den
e ultimo eleccion di aña 2013, subiendo di 1281 te cu 2079 voto individual.

Su seriedad y integridad sin duda lo hib'e na un resultado aun mas grandi den e eleccion aki. E sosten di
su votadonan ta grandi y cada dia mas y mas hende nobo ta yega pa uni na e famia grandi di AVP y cu
sosten pa Arthur Dowers.