Page 27 - MIN ECEM 27 MAY 2017

Lider di fraccion di AVP, Marlon Sneek tabata presente na e parke Solar nobo di WEB, pa por para tras di
proyectonan cu ta bay nifica hopi pa nos pais. Sigur si mira e vision cu Gabinete Mike Eman II a buta su
dilanti, pa yega 2020, caminda cu ta bay produciendo 100% di loke ta consumi na energia, ta mustra cu
un biaha mas ta buta un bloki mas, un stap mas pa por yega na e meta eynan.

Por a mira un tremendo proyecto firma den e di dos compania, den e caso aki Dell y tambe e compania di
Spaña, caminda cu hunto lo bay percura pa un bunita parke di molina. Mas cu tur cos WEB Aruba NV lo
bay ta doño di e parke aki y esey lo bay nifica menos gastamento di fuel oil. Fuera cu ta bay contribui na
menos CO2 uitstoot, ta bay contribui tambe pa WEB ta mas eficiente y esaki ta bay nifica
automaticamente cu Pueblo y pais ta bay haya den e caso aki awa y coriente na un miho prijs. Sosten di
Parlamento Sneek a splica cu Parlamento sigur ta para tras di proyectonan aki. Den mas cu un ocasion, a
combersa cu Prome Minister riba e plannan aki cu ta un solucion. E idea ta sigur haciendo uzo di locual
cu nos tin como potencial cu ta solo y biento y por a mira cu despues di e parke cu tin na aeropuerto, un
di dos parke ta bin. Mas cu tur cos, den e bario di San Nicolas, cu terenonan cu pais Aruba a haya bek den
su poder despues di e negociacion hunto cu Valero y Citgo, ta bin na disposicion di comunidad y loke ta
bay ta bunita di e parke aki, no ta bay ta un parke cera tras di muraya, pero e murayanan aki lo wordo
kita. Famianan por bay bishita, bishitantenan di Aruba por bay bishita, muchanan di scol por bay bishita
e parke aki y mira kico ta wordo produci eynan, crea asina ey indirectamente un otro luga mas di
atraccion cu nos comunidad, sigur nos bishitantenan por bishita, segun Marlon Sneek.
http://www.24ora.com/index.php?option=com_content&view=article&id=122229:
marlon-sneek-lo-bay-tin-menos-consumo-di-fuel-oil-cu-e-parke-solar-nobo-di-
web&catid=1:local&Itemid=5

Minister Mike de Meza: Ta bayendo hopi bon cu Citgo

Friday, 26 May 2017 17:16
Comparti

Minister Mike de Meza a splica cu semanalmente e tin contacto cu Venezuela y cu Houston y sigur sigur
cu e gerencia di Citgo Aruba tambe. Tin diferente progreso cu ta tumando luga. El a wordo bisa tambe cu
tin mas cu 400 hende ta laborando den e refineria. Nan ta bezig cu e ultimo partinan di e calculacion.

Ora cu ta papia di un clase dos estimacion, cu ta un estimacion hopi detaya. Tin expertonan tambe ta bin