Page 17 - BNDIA ARUBA

A17
HENDE Diaranson 26 Juni 2019

Georgina Marshall empleado di luna mei na Hospital

ORANJESTAD – Recientemente Ezzard Cilie, hunto
cu coleganan a bini hunto pa sorprende Georgina Mar-
shall, medewerker na Huisartsenpost (HAP). Georgina
tabata hopi emociona y no a spera cu e lo ta empleado
di luna mei di Hospital.

E nominacion di empleado di luna a bin door di su coleganan.
Tur a bisa cu semper e ta cla pa yega trabou, ta traha duro y
no tin miedo pa duna su man y pia. Aunke e ta ‘struggle’ pa
yega, e ta percura pa yega su trabou, semper cu un sonrisa na
su cara. Ademas, ta cla pa yuda pashentnan y ta amabel cu
pashentnan.

Jourraine Halabi-Figaroa, verpleegkundige ICU/ED, a duna
di conoce cu tur colega a bini hunto y a plania pa saca Geor-
gina Marshall como empleado di luna. Ora di pidi’e pa yuda
cu algo e no ta bisa no, semper ta colegial y principalmente
e tin hopi empatia pa pashent. Si ta puntr’e pa asistencia por
ehempel traha extra of un otro shift, nunca e ta nenga. E sa
su limite pa loke ta su conocemento y su capacidad y semper
kier siña mas.
E ta trata su trabou cu hopi profesionalismo. E ta tuma ini-
ciativa y no tin miedo pa traha duro. Na hospital SCIPI ta
significa Servicial Cooperativo Integridad Profesional y Ini-
ciativa y Georgina ta un empleado cu semper ta cumpli cu e
criterionan aki.

Na HAP Georgina Marshall ta ricibi e pashentnan y ta haci
triage. E ta puntra nan kico nan ta sinti y ta tuma e presion pa
despues nan sinta warda dokter. Si e situacion ta mas urgente,
e ta bay papia cu dokter tocante e pashent y si por atende mas
prome.

Di bira empleado di luna tabata un sorpresa pa su persona y
no a spera esaki mes. Di ta empleado di luna ta un sentimento
cu a lag’e sin palabra, pasobra su bida priva no ta facil cu 3 yiu.
E ta haci su esfuerso na trabou pa haci su trabou manera debe
ser y ta haci su best pa duna tur loke e por. E sorpresa a cay
hopi duro pe, pasobra el a bira emocional. El a duna di conoce
cu sigur e ta bay disfruta di e regalonan cu el a haya di hospital
y coleganan. E ta gusta su trabou y ta agradecido pa e bunita
reconocimento aki.

Georgina ta trata pashent na un manera amabel y el a dem-
ostra cu por conta riba dje. Pabien Georgina!