Page 69 - FDLP

ORANJESTAD (AAN): Manera ta conoci algun

siman pasa, Contraloria General (Algemene Rekenkamer, ARA) a manda un carta pa
Parlamento den cual nan a confirma cu nan tin un base legal pa haci un investigacion
den FLPD.

Segun Rocco Tjon kende ta lider di fraccion di MEP, e siman aki Parlamento di Aruba lo
manda un carta pa ARA den cual lo defini kico Parlamento lo kier pa nan investiga.

Parlamento ya caba a reuni riba e topico aki siman pasa y a yega na e decision cu kier

pa Contraloria General haci un “rechtmatigheids” y “doelmatigheids” onderzoek den
Lotto pa deporte.

Esaki ta nifica cu Parlamento kier sa si tur e fondonan ta worde uza pa e meta cu e

mester worde uza. Y si tur esaki ta cana segun ley.

Den cuadro di esaki lo haci un apelacion na ARA pa dentro di nan investigacion nan
analisa y evalua tur documento, nota di reunionnan, tur gasto cu a worde haci y tambe

kende a cobra pa e servicionan y si esaki ta cuadra cu Statuut y si e tabata necesario.

PA CONCLUI:

Segun fraccion di MEP, a bira tempo pa directiva di FLPD asumi nan responsabilidad y
stop di perhudica deporte na Aruba.

Ta inacceptabel cu nan ta uza fondo di deporte pa probecho personal. Esaki na varios

ocasion a worde ilustra caba den diferente conferencia di prensa door di coleganan.