Page 18 - WEB

Como departamento di Salud Publico nan t’ey pa proteha e pueblo, e parti
turistico pero tambe nan mester corda cu e departamento aki, cu na momento
di casonan, cu si algo pasa cu turista, nan lo mester responsabilisa nan mes, na

instancianan internacional, si tin keho cu a yega eynan. P’esey na momento cu
cualkier keho yega, ta tuma esakinan hopi na serio y ta haci e inspeccion

manera cu e mester ta. Si e no ta corecto, e ora decision mester cay.

E decision a cay, y DVG hunto cu doñonan di Boca Prins Restaurant, ta
monitoria e situacion y e awa tambe, guianan tambe den e proceso pa e wak pa

e bay den e forma corecto, pa di manera cu awa ta wordo uza, ta bay den un
forma potabel. DVG mester por garantisa e pueblo cu no ta existi risico di
contaminacion cu por tuma luga cu e hendenan ta bira malo.

GARANTIA

Pa core un tubo door di Parke Arikok, e ta costa placa y hopi dia di trabao, y e
compania a acerca WEB, pa cual tin un proceso pa bin cu awa potabel, cu e

coremento di tubo. Mirando cu e proceso tin su duracion, mientras tanto e tin cu
awa potabel na e sitio y DVG ta monitoriando e awa, tumando muestra di e

awa, pa wak si e awa ta na e calidad pa e cumpli cu e normanan. Y e ora, DVG
ta dunanan ok, pa nan por habri cu e tipo di awa cu nan ta uzando aworaki.

AWA DI DAM
Awa di dam ta wordo controla prome di wordo uza hasta pa agricultornan, pa su

calidad. Henter Aruba ta bibando den aña 2019, y e tin un calidad di awa halto
y un bon calidad di awa di WEB. Y no tin necesidad di expone nos mes na

risiconan, unda nos mes ta haci nos malo. No por compara e Aruba di antes, cu
esun di awo. Antes, en berdad, nos grandinan tabata uza di awanan asina aki, e

‘grondwater’, nan tabata hasta bebe e awa aki, pero e tempo aya tabata tin
hopi mas limpiesa tambe. Dus aworaki, den e era moderno di awendia, no ta e
momento unda ta bay na e punto di discusion di si e ta bon of malo. Si ta uza

un tipo di awa, e mester cumpli cu e norma y regla, conforme nos leynan,
segun Sra. Yvette Lacle, di DVG.