Page 63 - MIN ECEM 30 MARCH 2017

cu ta bin cu e projectonan manera banki tanto di palo of di beton, bakinan di mata cu
mata y tambe barinan di sushi. Na varios sitio di Aruba por mira tur esakinan. Tambe no
por laga’fo e pidi blauw riba caminda pa bais cu tin na Juancho Irausquin Boulevard. Na
Pos Chiquito banda di retonde grandi tin tambe e brug pa peaton. Tur loke ta mensiona
ta forma parti di Aruba su infrastructura.

Den ultimo añanan Aruba por a mira varios projecto pa enbeyese e infrastructura hopi
di nan a keda cla pero ainda tin varios den construccion. Construccionnan cu no ta facil
pa e chofer debi cu mester haci uso di cambionan cu ta pone den trafico hopi biaha
dificil pa trafica. Tambe no por laga afo e molester cu esaki ta causa pa habitante of
doñonan di negoshi cu ta keda serca di e construccionnan aki. Na final di cada projecto
ministerionan di gobierno encarga cu e projecto y contratistanan ta celebra cu e
logronan. Inversionnan aki ta hopi costoso cu ta corre den miyones cu poco poco e
ciudadano tin di paga pa nan pa varios generacion. Tur loke a mensiona despues di
tempo tambe ta cuminsa gasta, ta kibra, ta machica, ta dobla, ta frusta y camindanan ta
haya buraco, klinkernan ta kita of ta sak cu ta rekeri mantencion. Mantencion un
palabra cu hopi no ta worry cune pasobra no ta den su cas of cura. Mantencion riba
caya mester cai pa Ministerio di Obranan Publico, DOW so?

Destruccion of falta di mantencion na caminda no ta haya e atencion mas. Hopi di e
destruccionnan aki ta debi na un accidente di auto cu a kibre, of vandalismo a destruie
y despues no ta haya mas su atencion. Den e articulo aki nos kier mustra dos hempel
simpel, un borchi cu nomber di caya na Dakota cu tin varios luna of kizas aña kibra y
benta riba asera. Tur dia ta pasa banda di dje, pero ta pasa bai of ta haci cu no ta wake
y ta lage asina dia den dia’fo. Klinkernan cu ta sak of kibra. E foto aki ta saca den Caya
Betico Croes. Aruba por cu mantencion di tur loke a construi pa enbeyese nos
infrastructura? Tin placa den presupuesto pa haci esaki tur aña of cada dos aña?
Inspeccion rond Aruba relaciona cu mantencion di e projectonan aki ta funciona? Aki E
Arubiano ta señala dos simpel ehempel un borchi cu nomber di caya y un pida caminda
cu klinker cu a sak. E ciudadano sa cu e por jama y haci denuncia di loke a kibra riba
caya of mester lage pa funcionarionan di gobierno DOW mes mire y dreche. Un plan di
maneho y un number facil di telefoon tin pa e ciudadano por avisa. Lo ta bon pa tur
ciudadano juda den mantencion di nos infrastructura y proteha patrimonio di e pais.
Bunita lo ta pa mira cu a drecha e palo di borchi cu nomber di caya Papayastraat den
Dakota y tambe e mantencion di klinkernan cu a sak den caya ponenan straight atrobe.