Page 49 - MEDIA MONITORING JULY 19TH, 2018

4
Djaweps 19 Yüli 2018
Awor ku ta bai reanudá buelo
Tur biahero venezolano mester vakuná kontra keintura hel pa nan drenta Kòrsou
WILLEMSTAD.- Tur biahero venezolano mester di un dokumentu di vakunashon kontra keintura hel sino nan no por drenta nos isla. Diferente medio na Venezuela a duna e informashon aki e siman aki pa asina atvertí biaheronan venezolano. E situashon ta bira relevante komo otro luna lo reanudá buelonan for di Maiquetia pa Kòrsou. Pa kuminsá lo tin kuater buelo pa siman for di e kapital venezolano.
EXTRA a informá ku e situashon di salubridat
públiko na Venezuela ta un preokupashon di sektor médiko di Kòrsou. Nan tin miedu ku a rais di e desaroyonan sosial- ekonómiko serio ku tin den e pais bisiña tantu esnan ku ya bin den forma regular òf esnan indokumentá lo yega aki ku malesanan serio ku por ta kontagioso. Banda di esei e malesanan aki por pone un preshon enorme riba nos sistema di salubridat públiko ku ya kaba ta pasando den un preshon enorme di gastu.
Pa kuminsá for di
awor aki pa dilanti ora un pasahero bin for di Venezuela, e mester yega un tarheta di migrashon konosí komo ED-card pa e por barka i desembarká. Banda di esei mester di un dokumentu di vakunashon kontra keintura hel, manera indiká pa e organisashon mundial di salú WHO. Por sierto ku ED-card ta obligatorio pa tur estranhero ku kier drenta Kòrsou. Por yena e dokumentu riba e wèpsait www.edcardcuracao.com ku tur dato personal manera nan ta indiká den e pasport
di e persona ku ta biaha. Despues esnan ku hasi un petishon ta haña un konfirmashon via di e e-mail ku el a duna. Mester entregá kopia di e dokumentu na imigrashon di Kòrsou. A
informá na Venezuela ku yenamentu di e dokumentu ta redusí e tempu di espera na Imigrashon. Por yen’é na kas òf na aeropuerto i den
Sigui lesa pagina 41
MEO i OWCS ta kanta bingo
Krèsh sin ningun klase di pèrmit i hopi desagradabel a keda será
WILLEMSTAD.- Pa tristu ku por parse, ainda tin hende sin eskrúpulo ku den un palabra ta abusá ku kuido di mucha.
Ayera funshonarionan di MEO i tambe Ministerio di Enseñansa, Siensia, kultura i Deporte despues di a risibí tepabainaunkasdenárea di Barbouquet.
Naekasakiatopakuun situashon kompletamente a-higiéniko den tur sentido.
I mas tristu ainda ta ku e kas aki ta operá komo un Krèsh pa sigur 10 mucha menor pero pa nan
sorpresa e funshonarionan a konstatá ku doñonan di e supuesto “Krèsh” aki no tin ningun klase di pèrmit i tampoko esnan ku ta na kabes di e “Krèsh” aki i ménos e personal.
Aparte di pèrmit, ni doñonan di e krèsh ni e lidernan no ta disponé di ningun estudio apropiá pa wak i kuida mucha.
Aparte di esakinan e parti di higiena ta kompletamente for di òrdu, ningun persona na e sitio no ta di kùr.
Sigui lesa pagina 47