Page 50 - MEDIA MONITORING JULY 19TH, 2018

10
Djaweps 19 Yüli 2018
Felis dia
Masha bon notisia ku Ofisina di Turismo i gobièrnu a sera akuerdo ku Major League Baseball. Pa hopi tempu kaba mundu di beisbòl internashonal a rekonosé ku Kòrsou ta produsí muchanan ku super bon talento den beisbòl, pues kasi nos mester yega na e konklushon ku ta masha tempu kaba nos mester a buska aserkamentu di MLB pa hasi promoshon pa Kòrsou. Enfin masha positivo e desishon aki. Forsa na esnan ku mester traha riba e proyekto aki. Invershon den deporte di e forma aki ta sumamente positivo, puntra Thakai.
Esta dushi Kòrsou ta! Nos pais a pasa algun dia den un ambiente di positivismo enorme. Danki, masha danki na tur esnan ku a hinka nan skouder bou di e evento Velas Curaçao 2018. Den kayanan di Punda i Otrobanda tabatin hopi hende lokal i turista i tur tabata enkantá. E ambiente tabata dushi i trankil alabes. Nos tambe a subi e barkunan i tabata dushi di tende ku e personal di tur e barkunan a gusta Kòrsou. Nan ta kontentu di por a bishitá Kòrsou i risibí un trato asina bon.
Natural tin kosnan ku nos por drecha, por ehèmpel un konseho na outoridatnan di haf pa ora ku tin tipo di evento asina ta bini ta bon pa duna maske ta un kurso di algun ora na tur hende ku mester atendé ku e bishitantenan. Por ehèmpel e personal di seguridat riba e diferente wafnan. Duna nan un kurso básiko di ingles i spañó, pero esun mas importante ta un kurso kon mester duna servisio korekto na hende. Tuma esaki komo un krítika konstruktivo. Nos sa ku outoridatnan di haf ta hasiendo hopi esfuerso i ta lógiko ku nan no por kòrda riba tur detaye.
Bosina a para mira kon personal di barku ta puntra kon nan por move bai konosé nos playanan i otro sitionan. Ta bon pa mustra e personal di seguridat ku taksi ta un opshon, pero tin mas opshon manera bùs i konvoi ya asina nan ta mei mei di pueblo. Paisnan den Karibe, Merka i asta Oropa e hendenan ta siña turista kua ta e diferente opshonnan. Un kos ta sigur, no por bira lomba bai laga nos bishitantenan ku palabra na boka.
Na e organisadónan un bia mas danki. Anto no preokupá ku e grupo ku ta kritiká pa kibra. Keda kòrda ku na Kòrsou nos tin un grupo ku tur mainta na lugá di un desayuno saludabel nan ta dal un batido di negativismo puru.
Anto hospital ta keda un doló di kabes. No tin material, no tin sèn i asina nos por sigui. Ki dia hospital nobo ta keda kla? Trahadónan di e hospital aktual ta preokupá i ku nan rason. Nan no sa kon e traspaso ta bai tuma lugá. Den pasado vários mandatario di turno a hasi yen promesa sin kumpli ku niun. Suzanita demostrá e Trahadónan i e pueblo aki ku bo ta traha serio riba e hospital nobo keda kla pa kaba. Esnan ku ta subi avion pa buska nan salu pafó di Kòrsou ta esnan ku ta keda kere ku no tin mester i hospital nobo.
Un partido polítiko nobo a lanta. Nan ta bisa ku moral ta haltu. E partido nobo mester pensa kon ta hasi kambia leinan pasobra e partido por saka e miembro ku kometé akto di korupshon, pero si no tin kambio di lei e shon korupto por keda den Staten i sigui regla su pastechinan trankil, hasiendo uso di esun asiento ku e tin den su man. Puntra Rignald Lak di e mal chansa di kue asiento di Frente Obrero i regalá un muchachito i te awe Kòrsou ta sintá ku e asuntu ei.
Te mas ratu redactie@extra.cw
WILLEMSTAD.- E Concentrated Animal Feeding Operation (Cafo) ku bestia kolombiano no ta bai e área den interior Dam Pretu na Bándariba. Segun e lider di e proyekto Arthur Parris e área aki no ta adekuá pa gòrda mil baka i tres mil karné i kabritu. Asina Parris a bisa Ret Karibense.
E bendementu di bestia Curafresh Meat BV ta preferá plantashi Patrick, na altura di Barber, pegá ku kosta. Cafo mester bai pegá ku laman, Parris ta bisa na nòmber di Curafresh Meat BV. ‘Nos mester di e awa di laman pa e bakanan.’
Banda di un tanki di awa di bebe ta bini un instalashon pa purifiká awa kímikamente kontaminá, esun promé di Kòrsou, asina e lider di e proyekto ta splika. ‘Nos ke tur awa ku a usa kaba na Kòrsou pa usa di nobo den kultivashon di kuminda pa bestia.’
E proyekto Curafresh Meat ta den koperashon ku gobièrnu i ta wanta riba e pensamentu ku por usa mèst di baka pa produkshon di gas biológiko.
Segun Wendel Alberto ku ántes tabata kria baka na Bándabou, tin hopi problema ku e proyekto aki. ‘E hendenan di Curafresh Meat a bini serka mi ku pregunta. Mi a splika kiko mester pa kubri e riesgonan pa salubridat públiko i medio ambiente. Esaki ta tuma añanan di preparashon i ta kosta masha hopi plaka.’
E invershonistanan kolombiano tin seis mion disponibel pa harma e plantashi. E presupuesto aki mester kubri stal, depósito, kaminda di warda kuminda di bestia, instalashon di “desalinashon” i distribushon di awa di laman, un fábrika pa limpia e awa shushi, mashin pa prosesá e mèst pa e bira gas
biológiko i un fòrnu pa kima e kadavernan di bestia ku enfermedat.
Segun Alberto e sèn no ta sufisiente. ‘Baka ta kosta hopi plaka. I suèldo di labor ta haltu na Kòrsou. Esaki ta bira un empresa karu.”
Parris ta bisa ku pa tur problema tin un solushon. E distansia di e plantashi Patrick te na e abatuar na Parera e no ta haña inkombeniente. “Na Colombia e bakanan ta biaha seis dia, aki nan ta yega abatuar den mei ora.” Un parti di e karnénan i kabritunan lo por bai e abatuar na Barber. “E proyekto aki ta bai trese hopi empleo”, Parris ta finalisá.
Curafresh Meat ta kla pa kuminsá na ougùstùs ku e ekipamentu di e tereno i e konstrukshon di e stalnan. Parris ta ferwagt ku sinku luna despues ku pone e promé pieda e kompania por trese e bestianan Kòrsou.
Proyekto di mil baka na Kòrsou mester bai kosta
Hòmber detené den kuadro di investigashon penal relashoná ku kaso di droga i arma
WILLEMSTAD.- Outoridatnan a logra pone man riba un hòmber pa asina e por responsabilisá su mes pa investigashonnan ku tin relashoná ku kaso di droga i arma. Ayera mainta alrededor di seis or, personal di Divishon di Krímen
Organisá den koperashon kuKMARiUSTateneun entrada hudisial na un kas den área di Boca Samí.
E entrada hudisial ta den kuadro di un investigashon penal ku ta andando relashoná ku un kaso di droga i arma. Na e
sitio i riba òrdu di fiskal di Ministerio Públiko a detené e hòmber sospechoso J.R.S. nasé na Kòrsou, di 39 aña di edat. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.
Segun publikashon internashonal
Kòrsou di dos pais ku mas emishon di karbon dióksido na mundu
WILLEMSTAD.- Kòrsou ta e di dos pais na mundu ku mas emishon di karbon dióksido pa kabes di poblashon. Asina e publikashon internashonal Gazeta de Povo (Brasil) a informá ayera. Kòrsou ta sigui despues di Qatar. Trinidad & Tobago ta na di tres lugá. Opviamente e emishon aki tin di aber ku e forma indiskriminá ku e refineria di Kòrsou ta saka su emishonnan, ku ta kuestioná severamente pa entre otro organisashonnan ambiental manera SMOC. Refineria Isla mes ta ninga e emishonnan serio ku ta
atribuí na e kompania i ta bisa ku e ta kumpliendo ku su pèrmit di molèster.
E publikashon tin un sorpresa grandi tambe den sentido ku Merka a logra baha su emishon di karbon dióksido pero tòg ta te ainda un di e ekonomianan ku pa kabes di poblashon ta kontribuí seriamente na loke ta konosí komo “the greenhouse effect” ku ta afektá kapa di ozòn di mundu. E desaroyo aki ta kousando kambionan importante den klima mundial. China ketu bai ta e emisor mas grandi di karbon dióksido na mundu. Den
kareda di 27.6 porshento di emishon di karbon dióksido na mundu ta bin for di e pais aki, segun un investigashon di e konglomerado di energia BP.
Pa di tres aña siguí emishon di karbon dióksido a baha na Merka. E kantidat di 2017 a baha ku mei porshento i ta e emishon mas abou di Merka for di despues ku a krea e akuerdo di kambio di klima di Nashonnan Uní na 1992. Un di e motibunan ta ku Merka tin mas akseso awor aki na gas natural pa motibu di
Sigui lesa pagina 38