Page 52 - MEDIA MONITORING JULY 19TH, 2018

Djaweps 19 Yüli 2018
Seguridat hospitalario den su
totalidat ta keda un preokupashon
12
WILLEMSTAD.- ‘Meta di gerensia di Sint Elisabeth Hospital (SEHOS) ta pa yega na seguridat den hospital i normalisá esei. Tambe nos tin ku sigur’é pa futuro.’ Asina direktor- general di SEHOS, Anthon Casperson, a splika ayera durante un rueda di prensa tokante situashon aktual na SEHOS. Manera ta konosí den e dianan despues di 28 di yüni SEHOS no a realisá niun operashon ku ta planiá, pasobra tabatin problemanan struktural
ku SEHOS ta dil kuné ku ta materialnan pa sala di operashon pa por traha kuné, i no tin esakinan pa traha kuné.’ Casperson ayera durante rueda di prensa a reakshoná riba e situashon. Casperson a splika ku e ta konsiente di e diskushonnan ku ta biba den komunidat en konekshon ku e medida ku resientemente a wòrdu tumá dor di hospital pa deskontinuá sierto aktividat. ‘Gerensia a tuma nota di algun informashon ku no ta kuadra ku realidat
i ta deseá di informá komunidat korektamente pa evitá posibel malkomprondementu. Medisch Stafbestuur (MSB) di SEHOS na diferente okashon a ekspresá nan preokupashon na gerensia pa loke ta trata e seguridat di e kuido den hospital. Ta trata di falta di material, remedi, aparato i personal na kama di e pashènt. Nos por papia aki di e seguridat hospitalario den su totalidat. Riba djaweps 28 di yüni 2018, gerensia
Situashon di finansa di SEHOS no ta sufisiente
...Direktor-general di SEHOS Anthon Casperson durante rueda di prensa...
Despues di traha sita pa pasport i resultá bo no ta bai alkansá
Kanselá sita di forma ku otro siudadano por hasi uso di dje
a risibí un karta di konseho ku motivashon serka MSB, kaminda a hasi un súplika na gerensia pa adaptá kuido elektivo i poliklíniko pa asina por garantisá kuido agudo. Ademas a konsehá pa manda tratamentunan ku ta nesesario, pa eksterior. Gerensia a tuma e konsehonan di MSB i a sigui e instrukshonnan. A akordá ku MSB ku lo hasi tur trámite interno nesesario pa asina por normalisá e situashon di hospital mas pronto posibel. Ta trata aki di e metanan en komun kaminda lo hasi tur posibel pa normalisá e situashon di seguridat i
konservá esaki pa futuro. Mas konkreto por papia di material, aparato i personal ku mester ta sufisiente pa trabounan por sigui manera debe ser. Gerensia ke enfatisá ku e ophetivo di hospital ta pa garantisá kalidat i seguridat pa e pashènt, manera ta stipulá den lei. Den esaki e efisiensia ta hunga un ròl, kaminda un sierto patronchi di gastu ta inevitabel. Aktualmente e situashon di finansa no ta sufisiente ni adekuá, i esaki tin komo konsekuensia ku e gastunan di hospital sistemátikamente ta mas haltu ku e entradanan.’
WILLEMSTAD. - Algun siman pasá departamento di Asuntunan Públiko (ántes Kranshi) a informá na prensa ku a tuma nota ku un kantidat grandi di siudadano ta traha sita dòbel òf ta keda sin presentá na nan sita di pasport. Konsekuentemente esaki ta trese lista di espera pa sita pa petishon di pasport muchu largu. P’esei departamento di Asuntunan Públiko ke hasi un apelashon riba tur siudadano di Kòrsou pa huntu nos hasi e tempu di espera pa petishon di
pasport mas kòrtiku posibel. Por resultá ku bo a traha un sita i ku pa un òf otro motibu lo bo no bai alkansá e sita. Of kisas bo a logra hasi un otro petishon pa pasport promé ku e sita. Den e kaso aki nos ta urgi pa bo kanselá e sita di forma ku un otro siudadano por hasi uso di dje.
E akto di kanselá un sita por mustra algu simpel i insignifikante, pero e por resultá algu balioso pa un hende ku mester di un sita urgente pa por biaha pa e.o. motibu di malesa.
Por kanselá un sita na diferente forma. Por kanselá e sita via e link ku ta aparesé denemaildisitaòfemail rekordatorio. Tambe Por bèl Bentana di Informashon via di e numbernan 0800- 1515/ 433-3123 òf por pasa personal na Saliña 127, entre 8:00 am pa 3:00 pm di djaluna pa djaweps òf entre 8:00 am pa 12:00 pm riba djabièrnè.
Nos ta konvensí ku di e manera aki huntu nos aliviá e tempu di espera pa petishon di pasport.
The Blue Experience Café a habri su porta
WILLEMSTAD.- Riba fotonan athunto por mira The Blue Experience Café ku e dianan aki a drai den forma di prueba. E café ta situá den e edifisio nèt banda, di na unda ántes tabata Ackerman den Punda. Senior & Co. ku lo manehá e café ta satisfecho ku e promé fase di e proyekto. E café inspirá riba e mundialmente famoso Blue Liqueur lo tin un konsepto nobo, na unda ku ta provoká tur e ‘sentidonan’ di e turista i ta brind’é un eksperensia nobo. E di dos i último fase lo wòrdu kompletá den luna di òktober próksimo.