Page 35 - MEDIA MONITORING JULY 18TH, 2018

riba caya/local a13
Polis a topa señora subiendo taxi pirata
ORANJESTAD - Polis di bario Oranjestad cu accion di taxi pirata, a topa un auto para pazuid di e rotonde di Tanki Flip y un señora a subi e auto aki. E oficial a sigui e auto y e chauf- feur a purba di huy den area di Tanki Leendert, pero a logra par’e dilanti un supermercado. E homber a admiti di ta haci e trabou taxi pirata pasobra e ta sufri di salud y e tin yiu pa cria.
Durante reunion na New York
Necesidad pa implementacion di maneho dirigi riba economia circular trata
Diaranson 18 Juli 2018
ORANJESTAD - Minister encarga cu Infrastructura y Medio Ambiente, Ot- mar Oduber a intercam- bia diferente tema cu Sec- retario di Estado, Stientje van Veldhoven, durante e ‘High Level Political Fo- rum’ di Nacionnan Uni na New York.
Segun e comunicado ricibi, entre otro e mandatario y secretario di estado a delibera riba e topico di maneho di desperdicio y plannan pa re- media e dump di Parkieten- bos.
Tambe e necesidad pa imple- menta un maneho mas dirigi riba e economia circular, cu ta inclui entre otro e fenom- enonan di ‘re uza y recicla’. Tambe a probecha di e bilat- eral aki entre e mandatari- onan pa presenta e nota di maneho riba medio ambien- te cu a keda publica reciente- mente. Den e beleidsnota ba-
lans y colaboracion entre tur partido envolvi ta temanan sumamente importante, se- gun e comunicado.
“Tur partido tin un tarea specifico pa haci y sin balans y colaboracion estrecho entre partner nan cu tin un vision colectivo, e maneho no ta posibel, cual ta e enfoke di e nota aki. Sin lubida e aspecto di tin un acercamento activo y pragmatico pa cosnan tuma luga”, segun e mandatario. “E nota ta uno dinamico poni pa e periodo di 2018 pa 2021, pero esey no ta significa cu cambionan no por wordo haci den e periodo aki. E aspecto dinamico ta haci cu e plan ta mas realistico con- siderando cambionan global- mente cu ta tumando luga hopi mas lihe. Consideran- do e desaroyonan aki e plan por wordo adapta a base di e necesidad cu tin na dado mo- mento.”