Page 36 - MEDIA MONITORING JULY 18TH, 2018

A14 LOCAL
Diaranson 18 Juli 2018
Pronostico di Tempo
Att: un alerta pa biento duro y lama localmente bruto ta na vigor...
Tempo:
Parcialmente nubia cu posibilidad di localmente un awasero breve
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 07:09pm y lo sali mañan mainta 06:23am.
Biento:
Modera te basta fuerte for di direccion oost te oost- noordoost; forsa 4 te 5 (20 te 39 km/ora, 11 te 21 nudo). Den dia fuerte te posiblemente hopi duro den rafaga; forsa 6 te 8 (40 te 64 km/ora, 22 te 35 nudo).
Situacion general di tempo:
Den proximo 24 ora humedad den nivelnan mas abou di atmosfera regional lo pone nubianan aumenta de bes en cuando cu principalmente den oranan di mar- duga y mainta posibilidad pa localmente un awasero. Mas aleu por bisa cu stof fini den aire procedente di Sahara lo drenta area di Caribe atrobe y stroba visibi- lidad un poco den proximo dia of dos.
Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla. Ta pidi usuarionan di lama y doñonan di boto chikito pa tene esaki na cuenta y procede cu cautela riba lama habri.
Grupo di taxista no ta contento cu tarifa nobo
ORANJESTAD - Ayera mainta un grupo di tax- ista a vocifera cu nan no ta contento cu minister di transporte Chris Romer (MEP).
Segun e vocero di e grupo aki ta bisa cu nan a keda sorpren- di cu e lista di tarifanan nobo cu nan a ricibi, y cu den esaki no ta para e acuerdo cu nan tabata tin cu e mandatario y e
departamento concerni.
E taxistanan ta bisa cu ora e lista aki a sali oficialmente, e no tabata esun cu a keda palabra entre e taxistanan y e mandatario. Entre otro e taxistanan no ta contento cu na aeropuerto por uni dos famia den un solo auto y cu ambos tin di comparti e tarifa aki den nan dos, y esaki ta inaceptabel pa e taxistanan. Esaki ta segun e fuente No- ticia cla.
Consenso pa tarifa di taxi
Den un edicion anterior di Bon Dia a keda publica cu durante un dialogo, unda cu respet y comunicacion a hunga un rol principal, a logra yega na un consenso pa cu e ahustacion di e tarifanan cu e taxistanan lo bay cobra
di awor pa dilanti. Mester remarca cu e ahustacion di tarifa a bay segun e ruta cu ta core. Esaki ta nifica cu tin algun ruta a conoce un au- mento mas halto cu otronan.
A yega na un tarifa di servicio di taxi cu ta satisfactorio pa ambos partido. E taxistanan tabatin nan deseonan, como logicamente tambe ta e caso di parti di gobierno. Po- niendo hunto tur conseho di instancianan y personanan concerni, a logra yega na un resultado positivo y cu tur hende por biba cu ne.
E tarifanan cu a keda acorda awor ta bin como un alivio tanto pa e taxistanan y gobi- erno, pasobra awor tur esun- nan concerni lo bay cana riba e mesun liña.