Page 30 - MEDIA MONITORING JULY 16, 2018

A14 LOCAL
Dialuna 16 Juli 2018
Pronostico di Tempo
Att: un alerta pa biento duro y lama localmente bruto ta na vigor...
Tempo:
Parcialmente nubia cu posibilidad di localmente un awa- sero
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 07:09pm y lo sali mañan mainta 06:22am.
Biento:
Modera te basta fuerte for di direccion oost te oost- noordoost; forsa 4 te 5 (20 te 39 km/ora, 11 te 21 nudo). Den dia fuerte te posiblemente hopi duro den rafaga; forsa 6 te 8 (40 te 64 km/ora, 22 te 35 nudo).
Situacion general di tempo:
Den proximo 24 ora humedad laga atras pa un ola tropi- cal lo produci principalmente den oranan di marduga y mainta un awasero breve. Un otro ola tropical lo pasa de region di Caribe bayendo west den curso di mañan dialuna pa diamars y lo trece humedad adicional den re- gion local, aumentando e chensnan pa awasero e ora ey.
Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla. Ta pidi usuari- onan di lama y doñonan di boto chikito pa tene esaki na cuenta y procede cu cautela riba lama habri.
Unidad BOT-K9 Arubano a entrena polis Mericano
ORANJESTAD – Recientemente Aru- ba su“BijzonderOndersteuningsteam- Hondenbrigade” (BOT-K9) di KIA / CEA a wordo invita pa United States Police Canine Association, pa bay Minnesota, y train alrededor di 25 team di cacho di diferente cuerpo di polis Mericano.
E training a cuminsa dia 9 di juli y a termina dia 12 di juli. E metodo di train e teamnan tawata segun e metodo cu ta train e team- nan di Aruba. Nan a train nan entre otro pa
rista edificio y con pa detene sospechosonan agresivo. Esaki ta segun e comunicado cu nos a ricibi.
E BOT-K9 Arubano tin cachonan cu ta ris- ta droga, placa, arma di candela/municion y telefonnan celular, como tambe cachonan di atake. Unidad BOT-K9 Arubano tambe tin un excelente reputacion internacional riba tereno di implementacion di cachonan pa rista y cachonan di atake den teamnan tactico y pa e calidad di e teamnan di cacho Arubano.
BUBALI - Diadomingo den careda di 4’or di marduga un chauffeur den un auto Toyota a perde control tras di stuur y a slip cu e auto cay den rooi na altura di Yami Yami na Bubali.
Polis cu a presenta na e sitio a constata cu ta debi cu awa a caba di yobe e momento ey y caminda tabata muha. Na e sitio e auto tabata su so, e chauffeur mes a bandona e sitio y a cana bay te warda di Shaba.
Auto a cay den rooi na Bubali