Page 32 - MEDIA MONITORING JULY 16, 2018

Dialuna 16 Juli 2018
ORANJESTAD - Durante fin di siman a tuma luga e ultimo wega di baseball Latino Americano Junior League. Aki ta unda cu e ekipo di Aruba 1 a enfrenta Panama y a aki ta unda cu Aruba ta bin triunfacuescoredi15-4 den 11 inning.
Despues di 6 aña e baseball di Aruba ta regresa e Serie Mundial di Baseball Junior League na Taylor, Michigan, Merca. Tabata na 2012 cu casualmente Junior League a representa Aruba den un Serie Mundial di Baseball.
Aruba a sa na vence e ekipo di Panama cu e score final di 15 - 4 den un marathon di baseball. Por cierto Panama a gana Aruba 1 den e wega inaugural 2 - 1 cual sin duda a demostra cu e dos ekiponan lo ta e dos faboritonan pa e titulo Latino Americano. E apoya grandisimo den stadion Nadi\Crismo na Sta
Cruz a pone nos muchanan demostra e balentia y hunga un baseball ganado cu bateo oportuno y bon fildeo sin a duna espacio pa sorpresa. Esaki ta segun e fuente 297Sports.
Na final e motor a start y nos muchanan a bay laga, sin laga duda atras. E alegria tabata inmenso cerca tur presente den stadion di Nadi/Crismo y claro cerca Panama e derota tabata bisto, cu lagrimanan di tristesa manera cualkier otro ekipo cu cay venci di e forma aki, specialmente den un final.
Mester bisa cu hopi aña Aruba su baseball Little League tabata warda un momento pa regresa e Serie Mundial y hopi biaha nos tabata asina cerca pero sin por a remata na final. Awe a keda demostra cu nos por atrobe pues ban pone cabes hunto y traha pa nos peloteronan.
A20 DEPORTE
Aruba 1 campeon di baseball Latino Americano