Page 12 - MEDIA MONITORING JULY 12, 2018
P. 12
Diahuebs, 12 Juli 2018 AWEMainta 5 Premier Evelyn Wever-Croes a reuni cu Embahador di Estonia
ESTONIA ta un pais lider den IT y un di e gobiernonan (e-Government) mas avansa di mundo riba e tereno aki. Estonia ta conoci pa ta un Digital Society. Prome Minister Evelyn Wever-Croes a duna di conoce cu Gobierno di Aruba ta uzando e ehempel di Estonia como un di e paisnan pa inspira nos road map pa e-Government na Aruba cu mester ta cla pa fin di aña 2018 pa comienso di 2019. Tin hopi cu Aruba por siña di nan y Estonia ta un pais hopi habri pa exporta nan conocemento. Durante su bishita na New York, Premier Evelyn Wever-Croes a reuni cu Representante Permanente di Estonia na Nacionnan Uni Señor Sven Jurgenson riba diferente area cu Estonia por yuda Aruba. Un plataforma en particular cu ta hopi interesante ta X-Road – un tipo di “rails” cu ta conecta tur departamento di gobierno di Estonia p’asina por ofrece servicio na e ciudadano den estilo one-stop-shop y ta comparti data cu otro. Gobierno di Aruba ta haciendo e esfuersonan aki pa por explora posibel colaboracion y oportunidadnan
pa haya mas conocemento di nos proceso di e-Government. Tambe ta interesante pa conecta cu e Universidadnan di tecnologia y ciencia na Estonia.
E mandatario ta indica cu Aruba ta trahando riba introduccion di SISSTEM, e facultad nobo na Aruba di “Science, Technology Engineering and Math” (Stem) y Aruba ta hopi interesa pa explora partnerships y programa di intercambio cu Universidadnan na Estonia.
E reunion cu Sr. Jürgenson a bay hopi bon. Gobierno lo sigui explora e posibilidadnan den e siguiente lunanan nos dilanti”, Prome Minister a duna di conoce.
Aruba cu Roadmap pa E-Government
