Page 24 - MEDIA MONITORING JULY 12, 2018

24 AWEMainta Diahuebs, 12 Juli 2018
Aruba Marriott a haci
Donacion di 25,000 florin na Stimami Sterilisami pa promove sterilisacion di 8 mil cacho y pushi
DURANTE e ultimo dos lunanan, e asociadonan di Aruba Marriott a pone nan esfuerso hunto p’asina recauda fondo p’e programa di Sti- mami Sterilisami y asina yuda me- hora e bienestar di e animalnan riba e isla y reduci e cantidad di cacho y pushi riba caya.
E grupo dedica di asociadonan hunto cu nan famia a duna di nan tempo como boluntario p’asina organisa tres diferente actividad pa recauda e meta di 25,000 florin.
E prome actividad tabata un ‘Dog Walk’ unda cu a participa 110 per- sona y 30 cacho cu a cana pa un bon causa y tambe tabatin e oportunidad di cumpra t-shirts como tambe ban- danas y treats p’e mascotanan.
E di dos actividad tabata un mercado di purga y benta di cuminda cual a tuma lugar riba e parkinglot di Do It Super Center, unda e asociadonan di Aruba Marriott y diferente organ- isacion encluyendo e team di Sales & Marketing di Marriott Vacation Club y Bucuti & Tara Beach Resort generosamente a haci donacion di diferente articulo pa bende durante e mercado di purga y Caribbean Over- seas y Tropical Bottling Ltd. a haci donacion p’e food sale.
Adicionalmente, The Ritz-Carlton, Aruba a haci donacion di t-shirt p’e evento y Disney Recreation tabata presente pa entretene e muchanan. E di tres actividad tabata un ‘Duck Race’ cual a wordo organisa den e lazy river na Marriott’s Aruba Surf Club
unda e asociadonan como tambe e comunidad tabatin e oportunidad pa cumpra un pato p’e competencia y e prome diez patonan pa yega e final a gana diferente premio.
Tur e fondo recauda durante e tres actividadnan aki a wordo entrega como donacion n’e programa Sti- mami Sterilisami.
E movimiento di ‘Stimami Steril- isami’ tin como obhetivo pa reduci e cantidad di cacho y pusha riba caya dor di sponsor e gastonan di sterili- sacion y castracion y alabes por me- dio di concientisacion dentro di e co-
munidad riba e importancia di duna e cuido apropia na mascotanan. Tambe doñonan di cacho y pushi por registra pa un prijs special pa sterilisa y castra nan mascotanan por medio di e programa aki.
E staff y gerencia di Aruba Marriott kier gradici Do It Super Center, team di Sales & Marketing di Marriott Vacation Club, Bucuti & Tara Beach Resort, Caribbean Overseas, Tropi- cal Bottling Ltd., The Ritz-Carlton, Aruba, Ministerio di Infrastructura y Disney Recreation pa nan amabili- dad extendi n’e caso importante aki.