Page 25 - MEDIA MONITORING JULY 12, 2018

Diahuebs, 12 Juli 2018 AWEMainta 25
Minister Dangui Oduber:
“Aruba por ta orguyoso di pasonan cu Hospital ta tumando”
RECIENTEMENTE Hospital di Aruba a anuncia cu entrante november e aña aki, nan lo ta moviendo e sistema di dossier tradicional (papel hinca den map), pa uno digitalisa.
Cu e introduccion aki, Dr. Horacio Oduber Hospital (HOH) ta dal un paso grandi den inovacion, cual ta na beneficio di tur pashent.
Minister Dangui Oduber, encarga cu e cartera di Salub- ridad Publico ta bisa cu Aruba por ta orguyoso di e pa- sonan cu Hospital ta tumando. “Un pabien ta bay na Hospital, specialmente e grupo di trabou IMP@CT cu ta haciendo nan maximo esfuerso p‘e proyecto aki”, e mandatario ta bisa.
E mandatario ta apoya grandemente tipo di proyectonan asina aki cu ta yuda na brinda un mihor cuido medico na nos comunidad.
No solamente cuido medico, pero tambe e ta sirbi mane-
ra un punto di alerta pa por ehempel casonan di abuso. Sr. Dangui Oduber a para keto un rato riba e caso di e dos angelitonan cu a perde nan bida.
“Un sistema asina aki lo por a yuda preveni p‘e situacion ey pasa. Si mediconan por a wak e dossiernan den un forma digital, e lo por a cende un luz cu algo no tabata bon.”
Sr. Dangui Oduber no tin nada mas cu elogio p‘e logro aki di Hospital y ta positivo cu e cambio aki lo aporta na mehoracion di cuido medico.
Finalisando e mandatario ta bisa “cu den un futuro cer- cano lo kier sinta conhuntamente cu Hospital, HAVA y AZV pa wak den ki forma lo por amplia e sistema aki den forma di cooperacion. Tumando na cuenta cu awor tin un Gobierno nobo y cu tin un bon laso entre e dife- rente instancianan aki, por crea mas posibilidad pa pash- entnan wordo miho atendi.”