Page 17 - MEDIA MONITORING JULY 20TH, 2018

Diabierna, 20 Juli 2018 AWEMainta 11 Minister Ruiz Maduro
ASTEC y WEB cooperando pa mehora e situacion di holo di sulfur
GOBIERNO a bin ta bin ta atende e problematica cu a surgi cu e huma di WEB, na momento cu biento bira, e ta converti den un molester na e waf di Barcadera. Esaki Minister di Asuntonan Economico, Finansas y Cultura Xiomara Ruiz- Maduro a bisa den e conferencia di prensa yama door di WEB.
E mandatario tabata prome pa hiba palabra pa duna un splicacion kico a wordo haci te cu aworaki.
Loke cu a bin ta tumando luga, cu e huma afectando e trahadonan, ta haci cu comercio tambe a keda afecta cu e situacion ora cu e trahadonan di ASTEC y tambe Douane a pone trabou abou pidiendo pa un solucion.
E situacion a trece un presion cun’e pa loke ta bira comercio, pero tambe Aruba en general, pa motibo cu ta 80% di tur loke tin eynan ta wordo importa. Esaki sigur tin atencion di Gobierno pasobra e parti hopi importante ta keda salud di hende.
“E realidad cu tin ta na e momentonan aki cu tin un compania cu ta produci awa y coriente pa pais Aruba, un compania vital manera WEB y banda di esaki un otro compania vital, cual ta waf di Barcadera. Tur dos compania aki ta di suma importancia
pa pais Aruba. Esaki ta rekeri tambe e presencia y e atencion na e nivel di mas halto den Gobierno, pa cual tambe gobierno ta brindando e atencion aki. A a sinta caba e siman aki hunto cu ehecutivonan di WEB. A sinta tambe cu ATIA, cu a bin cu nan preocupacion y tambe a sinta cu esnan di ASTEC y APA, kendenan tin e parti di waf bao di nan responsabilidad,” e mandatario a splica.
A haci un apelacion na ASTEC, ya cu nan ta esunnan encarga cu e waf aki y e operacion mester por sigui pa cual a pidi nan, teniendo cuenta cu salud di esnan cu ta traha eynan, pa por brinda nan, e vestimenta di
siguridad pa asina e trahadonan tin e siguridad y cu ta tene cuenta cu esaki. A pidi nan tambe pa traha den wardanan apart pa asina pa por kita e exposure asina tanto di e personanan aki, na locual cu ta bira e huma. ASTEC di su
banda a informa kico nan ta bay haci pa e trahadonan, pa sigura e aspecto di operacion.
WEB di su banda, e mandatario a bisa, a bin ta haciendo un trabao riba e asunto aki y awor aki tambe concretamente por
bisa kico ta locual cu por wordo haci. Tin cierto decisionnan cu Gobierno na fin di dia tin cu bay tuma, pero pa e parti aki prome ta importante pa sa kico tecnicamente ta posibel pa esaki wordo ehecuta door di WEB.