Page 18 - MEDIA MONITORING JULY 20TH, 2018

14 AWEMainta Botica di Servicio tin stock di
vacuna contra Keintura Geel
Diabierna, 20 Juli 2018
RECIENTEMENTE Seccion di Malesanan Contagioso (Dienst Besmettelijke Ziekten) a informa cu e vacuna conta Keintura Geel (Yellow Fever) a caba. E vacuna aki ta mandatorio pa tur pasahero cu ta bin for di Centro America, Sur America y paisnan den e continente di Africa.
Cu esaki Botica di Servicio kier a anuncia cu tin suficiente stock di e vacuna contra Keintura Geel. P’e motibo aki a bin un colaboracion entre Botica di Servicio Eagle y Seccion di Malesanan Contagioso. Botica di Servicio Eagle a manda algun di su stock na Seccion di Malesanan Contagioso.
Si algun persona mester di e vacuna aki nan lo mester pasa Botica di Servicio Eagle prome y asina paga p’esaki.
Despues cu paga esaki lo mester hiba e recibo na Seccion di Malesa nan Contagioso (como cu esaki lo t’e prueba di pago) y asina lo por ricibi e vacuna.
E cliente lo mester paga Afl. 10,- p’e buki geel (cu ta e prueba internacional di vacuna). E colaboracion aki lo continua te ora Seccion di Malesanan Contagioso ricibi e vacuna den stock atrobe.
Minister Ruiz Maduro a ricibi Embahador di Hulanda y Embahador di Merca
MINISTER señora mr. Xiomara Ruiz- Maduro den representacion di Prome Minister di Aruba diamars a ricibi bishita di Embahador di Hulanda na Washington DC Señor Henne (Hendrik Jan Jurriaan) Schuwer y Embahador di Merca na Den Haag, Hulanda, Señor Pete (Peter) Hoekstra, kendenan tabata na Aruba pa un bishita di cortesia. Durante e encuentro a elabora riba topiconan di interes comun pa fortifica e relacion di trabao entre Merca y Aruba.