Page 47 - MEDIA MONITORING JULY 20TH, 2018
P. 47
6
Djabièrnè 20 Yüli 2018
UGTK/CADMU satisfecho ku One Laser
Group a bira partner di InselAir
WILLEMSTAD.- E sindikato UGTK/CADMU ta masha satisfecho ku One Laser Group a bira partner di nos kompania nashonal di aviashon, InselAir. InselAir a selektá One Laser
Group LLC komo partner eksklusivo pa sigui negoshá kuné. One Laser Group a posishoná nan mes komo un partner potensial ku lo invertí i sostené InselAir den nan plannan di ekspanshon
i ampliashon di nan flete di forma ku por garantisá eksistensia di e kompania.
Den deklarashon pa EXTRA, sr. Wendell Muelen presidente di UGTK/CADMU abisakunanapapiakue
grupo aki, i ta pendiente di reunion ku trahadónan di InselAir otro siman, djárason pa 6:30’or di anochi na nan sede.
Sr. Muelen a bisa ku na momentu ku nan a papia
Lo bini ku kuater avion
ku Laser Group nan a mira ku tabata un kompania serio. Nan no tin kompania di aviashon di nan mes, pero tin bon konekshon ku otro kompanianan di aviashon. Aktualmente e djèt ku InselAir ta bula kuné aktualmente pa Sürnam i St. Maarten, ta Laser Group a yuda nan kuné.
Sindikato tabata na altura dje situashon ku e kompania ta pasando aden, i nan semper a boga pa un partner stratégiko pa yuda InselAir.
Mas aleu sr. Muelen a bisa ku apesar di a papia ku e grupo aki, tòg nan mester haña sa konkretamente di e plan di e kompania. El a bolbe indiká ku nan ta kontentu ku e grupo a mustra interes. Pa e sindikato e kos di mas importante ta salbaguardiá kupo di trabou di e 150 trahadónan, i tambe krea kupo di trabou na InselAir pa e kompania por bira grandi atrobe.
Riba pregunta di EXTRA si e sindikato lo boga pa esnan ku a keda retirá por regresá, sr. Muelen a indiká ku naturalmente nan lo hasi esaki, segun tin un desaroyo positivo den e kompania. El a indiká na e grupo tambe ku esnan ku a pèrdè trabou ta promé pa haña trabou.
E sindikato ta satisfecho ku e posishon di lomba kontra di muraya ku e kompania tabata, i tòg Laser Group a mustra interes pa bin yuda InselAir krese i nan ta mas ku bon biní.
Segun sr. Muelen a komprondé ku ta e intenshon pa e kompania trese kuater avion den InselAir. Aktualmente tin un Fokker ta bula islanan ABC, i un Djèt ku ta bula pa Sürnam i St. Maarten. Ta e intenshon pa bin ku avionnan tipo boeing pa bula rutanan mas largu.
