Page 70 - MEDIA MONITORING JULY 17TH, 2018
P. 70
2
Djamars 17 Yüli 2018
Sekretario di estado Raymond Knops
‘Ulanda ta dispuesto pa
duna asistensia ku
problemátika di refineria’
Si Kòrsou pidi pa asistensia
WILLEMSTAD.- ‘Situashon na Venezuela a empeorá hopi i e situashon ta bira mas malu kada dia. Esaki tin su konsekuensianan pa e Islanan Abou. Na Kòrsou konsekuensia di e situashon na Venezuela ta visibel na Refineria Isla. Ulanda ta dispuesto pa duna asistensia ku problemátika riba término kòrtiku i término largu tokante futuro di refineria. Pero esaki ta dependé si Kòrsou pidi Ulanda pa asistensia.’
Asina sekretario di
Sigui lesa pagina 39
Posiblemente problema tékniko ku sierto pasport ulandes
WILLEMSTAD.- Den un aviso ku gabinete di gobernadó a publiká ta indiká ku resientemente a sali na kla ku tin problema tékniko durante di produkshon di e pasportnan ulandes durante di e lunanan di aprel, mei i yüni di e aña aki. Tambe e dokumentonan ku Kranshi i gabinete di gobernadó a saka den e periodo ei, tambe tabatin problema ku nan. Dor di esaki por ehèmpel ora presentá ku e pasport den e sistema di “e-gate” na aeropuertonan, e porta no ta habri.
Outoridatnan di eksterior entre tantu a keda poné na altura di e fayo i pa nan por tene kuenta kuné si un pasahero presentá ku un pasport ku defekto.
Pero mas kla mester ta pa tur hende ku e dokumentonan, pues e pasportnan ku tin fayo, ta bálido. Por biaha ku nan normalmente. Ora e hende regresá su pais, e por wak si por kambia e dokumento.
Pa Kòrsou ta trata aki di alrededor di 25 pasport ku ta defekto. Ta trata aki di pasportnan kaminda e serinummer ta kaba ku 3.
E number aki por haña den e parti patras di e pasport.Dokumentonan ku a keda duná den e lunanan di aprel, mei i yüni 2018, por kontrolá esaki via di “BZK-App” grátis. Of por buska mas informashon via di www.rijksoverheid. nl/reisdocument.
Tambe esun ku tin pasport defekto pro laga kontrolá esaki dor di Kranshi òf dor di Gabinete di gobernadó. Por pasa den e orario di 9’or di mainta pa 12’or di mèrdia tur dia. Pasportnan ku tin un fayo di mes por keda kambiá sin gastu mará na esaki.
